ກຳລັງເປັນຂ່າວໃຫຍ່ໃນໄທ ເມື່ອມີຖ້ຽວບິນມາແຕ່ອິນເດຍໃນວັນທີ 8 ສິງຫາຜ່ານມາ ແລະຜູ້ໂດຍສານໃນເຮືອບິນລຳດັ່ງກ່າວໄດ້ທະຍອຍກັນມາກວດຫາເຊື້ອໂຄວິດ-19 ເຫັນວ່າ ມາຮອດມື້ນີ້(26 ສິງຫາ) ມີຜູ້ຕິດເຊື້ອເປັນລາຍທີ 22 ແລ້ວໃນຖ້ຽວບິນດຽວກັນ.
ຕາມສຳນັກຂ່າວສົດລາຍງານມື້ນີ້ໄທພົບຜູ້ຕິດເຊື້ອໂຄວິດໃໝ່ອີກເປັນລາຍທີ 22 ເຊິ່ງຮ່ວມຖ້ຽວບິນດຽວກັນກັບຜູ້ໂດຍສານອີກ 21 ລາຍທີ່ກວດພົບກ່ອນໜ້ານີ້ ຈິ່ງຖືວ່ານີ້ເປັນຖ້ຽວບິນມະຫາໄພທີ່ຜູ້ຮ່ວມເດີນທາງທຸກຄົນຕ້ອງຕື່ນຕົວມາກວດຕົນເອງຢ່າງຈີງຈັງ.
ສຳລັບຜູ້ປ່ວຍໃນພູມີພາກອາຊຽນປະເທດຟີລິບປິນ ແລະອິນໂດເນເຊຍ ຍັງມີຜູ້ຕິດເຊື້ອລາຍໃໝ່ເພີ່ມຂຶ້ນລະດັບ 2.000 ກວ່າລາຍຕໍ່ວັນ ສະເພາະຟີລິບປິນມາຮອດຂະນະນິ້ມີຜູ້ປ່ວຍສະສົມ 197.164 ກໍລະນີ, ສ່ວນອິນໂດເນເຊຍມີ 157.859 ກໍລະນີ, ຂະນະທີ່ຫວຽດນາມເຖິງມີການລະບາດຮອບສອງ ແຕ່ກໍ່ສາມາດຄວບຄຸມສະຖານະການໄດ້ແລ້ວ.
ຈະເວົ້າໄປແລ້ວສະຖານະການໂຄວິດ-19 ໂດຍລວມຍັງບໍ່ທັນຈາງຫາຍໄປທາງໃດ ຫຼາຍປະເທດຍັງມີຈັງຫວະເພີ່ມຂຶ້ນຕໍ່ເນື່ອງ ສະນັ້ນ ການຮັກສາໄລຍະຫ່າງ ແລະການປະຕິບັດມາດຕະການປ້ອງກັນຕ່າງໆຈິ່ງບໍ່ຄວນຖືເບົາ ຕ້ອງເຮັດເປັນປະຈຳໃຫ້ກາຍເປັນຄວາມຊີນເຄີຍ ເພື່ອຄວາມປອດໄພຂອງທຸກໆຄົນ.
Discussion about this post