ສປປ ລາວ ສົ່ງອອກ ແຮ່ທອງເຂັ້ມຂຸ້ນ ໄລຍະ 6 ເດືອນຕົ້ນ ປີ 2021 ມີມູນຄ່າລວມ 216 ລ້ານໂດລາສະຫະລັດ.

ສປປ ລາວ ສົ່ງອອກ ແຮ່ທອງເຂັ້ມຂຸ້ນ, ແຮ່ຄໍາເຂັ້ມຂຸ້ນ, ແຜ່ນທອງແດງ ແລະ ແຮ່ເຫຼັກ ຜ່ານ ຫວຽດນາມ ໃນໄລຍະ 6 ເດືອນຕົ້ນ ປີ 2021 ມີມູນຄ່າລວມ 216 ລ້ານໂດລາສະຫະລັດ.

ມູນຄ່າການນໍາເຂົ້າ ແລະ ສົ່ງອອກສິນຄ້າ ໂດຍຜ່ານແດນ ສສ.ຫວຽດນາມ ໃນໄລຍະ 6 ເດືອນຕົ້ນປີ 2021 ປະມານ 314 ລ້ານໂດລາ ສະຫະລັດ. ໃນນັ້ນ, ມູນຄ່າການສົ່ງອອກ ປະມານ 216 ລ້ານໂດລາສະຫະລັດ ແລະ ມູນຄ່າການນໍາເຂົ້າ ປະມານ 98 ລ້ານໂດລາສະຫະລັດ. ສີນຄ້າລາວ ທີ່ສົ່ງອອກໄປປະເທດ ທີ 3 ໂດຍຜ່ານ ສສ.ຫວຽດນາມ ປະກອບ ມີ: ແຮ່ທອງເຂັ້ມຂຸ້ນ, ແຮ່ຄໍາເຂັ້ມຂຸ້ນ, ແຜ່ນທອງແດງ, ແຮ່ເຫຼັກ ແລະ ເຄື່ອງໃຊ້ຄົວເຮືອນທົ່ວໄປ.

ສີນຄ້ານໍາເຂົ້າ ສປປ ລາວ ໂດຍຜ່ານຊາຍແດນ ສສ.ຫວຽດນາມ ມີ: ເຫຍື້ອໄມ້ ແລະ ເສດເຈ້ຍ.ໃນນັ້ນ, ມູນຄ່າການສົ່ງອອກປະມານ 216 ລ້ານໂດລາສະຫະລັດ ແລະ ມູນຄ່າການນໍາເຂົ້າ ປະມານ 98 ລ້ານໂດລາສະຫະລັດ, ເຊິ່ງມູນຄ່າ ແລະ ສິນຄ້າລາວ ທີ່ສົ່ງອອກໄປປະເທດທີ 3 ມູນຄ່າການສົ່ງອອກສິນຄ້າທັງໝົດ ປະມານ 216 ລ້ານໂດລາສະຫະລັດ ໃນນັ້ນສິນຄ້າ ທີ່ສົ່ງອອກຫຼັກ ຄື:

ແຮ່ທອງເຂັມຂຸ້ນ ມູນຄ່າປະມານ 115 ລ້ານໂດລາສະຫະລັດ, ແຮ່ຄໍາເຂັ້ມຂຸ້ນ ມີມູນຄ່າປະມານ 10 ລ້ານໂດລາສະຫະລັດ, ແຜ່ນທອງແດງ ມີມູນຄ່າປະມານ 52 ລ້ານໂດລາສະຫະລັດ, ແຮ່ເຫຼັກ ມີມູນຄ່າປະມານ 39 ລ້ານໂດລາສະຫະລັດ ແລະ ເຄື່ອງໃຊ້ຄົວເຮືອນ ທົ່ວໄປມີມູນຄ່າປະມານ 5.000 (ຫ້າພັນ) ໂດລາສະຫະລັດ. ໃນນັ້ນ, ຈໍານວນການສົ່ງອອກ ທັງໝົດແມ່ນມີປະມານ 480.000 ໂຕນ.

ມູນຄ່າ ແລະ ສິນຄ້ານໍາເຂົ້າມາ ສປປ ລາວ ທັງໝົດປະມານ 98 ລ້ານໂດລາສະຫະລັດ ໃນນັ້ນສິນຄ້າ ທີ່ມີນໍາເຂົ້າຫຼັກ ຄື: ເຍື່ອໄມ້ ແລະ ເສດເຈ້ຍ ເພື່ອຜະລິດເປັນສິນຄ້າໃໝ່ ມີມູນຄ່າປະມານ 96 ລ້ານໂດລາສະຫະລັດ ແລະ ແຮ່ອາລູມີນຽມ ມີມູນຄ່າປະມານ 2 ລ້ານໂດລາສະຫະລັດ. ໃນນັ້ນ, ຈໍານວນການນໍາເຂົ້າ ທັງໝົດແມ່ນມີປະມານ 390.000 ໂຕນ.

ບັນດາປະເທດທີ່ ສປປ ລາວ ສົ່ງອອກ ໂດຍຜ່ານຊາຍແດນ ສສ. ຫວຽດນາມ ມີມູນຄ່າປະມານ: ຈີນ 101 ລ້ານໂດລາສະຫະລັດ, ອີນເດຍ 115 ລ້ານໂດລາສະຫະລັດ ແລະ ຮົງກາລີ 5.000 (ຫ້າພັນ) ໂດລາສະຫະລັດ ແລະ ບັນດາປະເທດທີ່ ສປປ ລາວ ນໍາເຂົ້າ ຜ່ານແດນ ສສ ຫວຽດນາມ ມີມູນຄ່າປະມານປະມານ: ອາເມລິກາ 78 ລ້ານໂດລາສະຫະລັດ, ແຄນາດາ 12 ລ້ານໂດລາສະຫະລັດ ແລະ ສ. ເກົາຫຼີ 3 ລ້ານໂດລາສະຫະລັດ.

(ທີ່ມາ: ສູນຂໍ້ມູນຂ່າວສານທາງການຄ້າ)