ພະແນກຕຳຫຼວດຕ້ານການຄ້າມະນຸດ ແກ້ໄຂຄົນຫວຽດນາມ ລັກລອບເຂົ້າເມືອງຜິດກົດໝາຍ 15 ຄົນພັທ ບຸນເລິກ ວົງຄໍາ ຮອງຫົວໜ້າພະແນກຕໍາຫຼວດຕ້ານການຄ້າມະນຸດ ປກສ ນະຄອນຫຼວງວຽງຈັນ ໄດ້ໃຫ້ຮູ້ວ່າ: ໃນວັນທີ 16 ມິຖຸນາ 2021 ໄດ້ຮັບແຈ້ງຂໍຄວາມຊ່ວຍເຫຼືອຈາກຜູ້ຍິງຄົນຫວຽດນາມ ວ່າ: ຕົນຖືກຫຼອກລວງມາແຕ່ປະເທດຫວຽດນາມ.
![](https://kkklao.com/wp-content/uploads/2021/06/Screenshot_2021-06-24-18-48-20-72-1024x644.jpg)
ຫຼັງຈາກນັ້ນ, ເຈົ້າໜ້າທີ່ພະແນກຕຳຫຼວດຕ້ານການຄ້າມະນຸດ ປກສ ນະຄອນຫຼວງວຽງຈັນ ໄດ້ສົມທົບກັບຜູ້ຕາງໜ້າຕໍາຫຼວດຫວຽດນາມ ປະຈໍາ ສປປ ລາວ ແລະ ພາກສ່ວນກ່ຽວຂ້ອງລົງກວດກາ ແລະ ແກ້ໄຂຢູ່ໂຮງແຮມແຫ່ງໜຶ່ງ ເຂດບ້ານສາຍລົມ ເມືອງຈັນທະບູລີ ນວ ພົບເຫັນຄົນຫວຽດນາມ ຈໍານວນ 15 ຄົນ, ຍິງ 14 ຄົນ ບໍ່ມີໜັງສືຜ່ານແດນ ແລະ ວີຊ່າ ອະນຸຍາດເຂົ້າ-ອອກເມືອງ ທີ່ຖືກຕ້ອງຈຶ່ງໄດ້ນໍາຕົວມາສອບສວນ.
![](https://kkklao.com/wp-content/uploads/2021/06/Screenshot_2021-06-24-18-48-13-29-1024x646.jpg)
![](https://kkklao.com/wp-content/uploads/2021/06/Screenshot_2021-06-24-18-48-02-33-732x1024.jpg)
ພ້ອມທັງເອົາໄປກັກກັນເພື່ອກວດກາຊອກຫາເຊື້ອພະຍາດ ຕາມມາດຕະການປ້ອງກັນສະກັດກັ້ນການແຜ່ລະບາດຂອງພະຍາດ ໂຄດວິດ-19 ຕໍ່ກັບຄະດີດັ່ງກ່າວ, ເຈົ້າໜ້າທີ່ຕໍາຫຼວດກຳລັງເກັບກຳຂໍ້ມູນສືບຕໍ່ພົວພັນກັບຜູ້ຕາງໜ້າຕໍາຫຼວດຫວຽດນາມ ເພື່ອເປີດກວ້າງຂະຫຍາຍຜົນຊອກຫາພັກພວກຮ່ວມຂະບວນການມາດຳເນີນຄະດີຕາມກົດໝາຍ.
![](https://kkklao.com/wp-content/uploads/2021/06/Screenshot_2021-06-24-18-47-51-77-1024x603.jpg)
![](https://kkklao.com/wp-content/uploads/2021/06/Screenshot_2021-06-24-18-47-44-44-810x1024.jpg)
Northern Times News
Discussion about this post