2 ສ່ຽວຮ່ວມກັນປຸ້ນລົດ..! ຮ່ວມກັນເຂົ້າຄຸກ

ວັນທີ 15 ກໍລະກົດ ຜ່ານມາ, ເຈົ້າໜ້າທີ່ ປກສເມືອງຈັນທະບູລີ ຕິດຕາມກັກຕົວ ທ້າວ ສອນມີໄຊ ອາຍຸ 28 ປີ ເປົ້າໝາຍປຸ້ນຊັບ ໄດ້ຢູ່ເສັ້ນທາງເຂດບ້ານດອນແດງ ເມືອງຈັນທະບູລີ ພ້ອມຂອງກາງລົດຈັກຮອນດ້າຊູເມີ້ເອັກ.ຈາກນັ້ນ, ອີກ2 ວັນ ກໍສາມາດຕິດຕາມຈັບຜູ້ຖືກຊັດທອດໄດ້ ຊື່ ທ້າວ ສະໝານ ຫຼື ໂຈ້ ອາຍຸ 20 ປີຢູ່ບ້ານປາກທ້າງ ເມືອງສີໂຄດຕະບອງ ມາດຳເນີນຄະດີຮ່ວມກັນ ໃນຂໍ້ຫາປຸ້ນຊັບພົນລະເມືອງ (ລົດຈັກ).

ຈາກການສອບສວນ ທ້າວ ສອນມີໄຊ ຮັບສາ ລະພາບວ່າ: ໃນວັນທີ 13 ກໍລະກົດ ຜ່ານມາ, ເວ ລາປະມານ 2:00 ໂມງ ຕົນເອງ ກັບທ້າວ ໂຈ້ ໄດ້ຂັບຂີ່ລົດຈັກຊ້ອນກັນ ຊອກຫາປຸ້ນຊັບ ເພື່ອເອົາ ເງິນໄປຊື້ຢາບ້າມາເສບ, ເພາະຕິດເສບຢາບ້າ ມາແຕ່ປີ 2016 ໂດຍເສບມື້ລະ 2-5 ເມັດ; ພໍຂີ່ມາ ຮອດ 4 ແຍກລາວເທັກ ກໍເຫັນຜູ້ຍິງຂີ່ລົດມາຄົນດຽວ ຈິງພາກັນຂັບຂີ່ຕິດຕາມໄປຮອດຮ່ອມ 11 ບ້ານໂພນຕ້ອງຈອມມະນີ.ຈາກນັ້ນ,ທ້າວ ໂຈ້ ກໍລົງລົດໄປປຸ້ນເອົາລົດຈັກ ພ້ອມກັບ ໂທລະສັບ ແລ້ວກໍແຍກທາງກັນລົບໜີ.

ມາຮອດວັນທີ 15 ກໍລະກົດ, ພວກຕົນໄດ້ນັດກັນ ໄປຮ້ານເກມ ຢູ່ເຂດບ້ານດົງນາໂຊກ ແລະ ຕົກ ລົງກັນ ຈະເອົາລົດຈັກຄັນທີ່ປຸ້ນມາໄປຂາຍ.ສ່ວນ ໂທລະສັບເຄື່ອງດັ່ງກ່າວ ແມ່ນໄດ້ເອົາໄປຈຳເອົາ ເງິນ ນຳຄົນຮູ້ຈັກ ຢູ່ບ້ານດົງນາໂຊກເໜືອ, ແລ້ວກໍພາກັນຂີ່ລົດຈັກຄັນດັ່ງກ່າວ ໄປຫາໝູ່ຢູ່ບ້ານດົງປ່າແລບ ເພື່ອຈະໄປຂາຍລົດ. ໃນເວລາທີ່ລໍ້ຖ້າຂາຍລົດ ຢູ່ແຄມທາງເຂດບ້ານດອນແດງ, ເຈົ້າໜ້າທີ່ ປກສ ກໍສາມາດຕິດຕາມຈັບທ້າວສອນມີໄຊໄດ້ ພ້ອມຂອງກາງ ລົດຈັກທີ່ປຸ້ນມາ.

ທ້າວ ສະໝານ ຫຼື ໂຈ້ ສາລະພາບວ່າ: ໃນມື້ກໍ່ເຫດປຸ້ນຊັບນັ້ນ, ພວກຕົນ ໄດ້ພາກັນຂີ່ລົດເລາະມາທາງຕະຫຼາດເຊົ້າ ໄປຫາ ໂພນພະເນົາ ພໍມາ ຮອດຈຸດກໍ່ເຫດ ເວລາປະມານ 2:00 ໂມງ ຈິງໄດ້ພົບເຫັນເປົ້າໝາຍ ເປັນຜູ້ຍິງ ຂີ່ລົດມາຄົນດຽວ; ເມື່ອຮອດຮ່ອມ 11 ບ້ານໂພນຕ້ອງຈອມມະນີ ເປົ້າ ໝາຍໄດ້ຈອດລົດແຊດໂທລະສັບ ຈິ່ງລົງໄປຕີທ້ອງຍິງຄົນນັ້ນ 3 ບາດ ແລ້ວຕົນກໍຍາດເອົາລົດ ພ້ອມກັບໂທລະສັບມືຖື. ຈາກນັ້ນ,ກໍຂີ່ລົດຄັນດັ່ງກ່າວລົບໜີ. ໃນຂະນະ, ທີ່ຍາດເອົາລົດ ໄດ້ເຮັດໝວກກັນກະທົບ ແລະ ເກີບເຮ່ຍຢູ່ຈຸດດັ່ງກ່າວ. ມາວັນທີ 30 ກໍລະກົດ , ເວລາປະມານ 9:00 ໂມງ ກໍຖືກເຈົ້າໜ້າທີ່ ປກສ ເຂົ້າຈັບຕົວຢູ່ເຮືອນ.

ທ້າວ ສະໝານ ຮັບສາລະພາບອີກວ່າ: ໄດ້ເສບຢາບ້າມາແຕ່ປີ 2018, ເສບມື້ລະ 2-8 ເມັດ ສ່ວນຢາບ້າທີ່ນຳມາເສບ ແມ່ນຊື້ໄວລຸ້ນທີ່ມາເລາະຂາຍ ຢູ່ຮ້ານເກມ ທີ່ດົງນາໂຊກ ເມືອງສີໂຄດຕະບອງ.