ຕາມແຫລ່ງຂ່າວຈາກ ວໍຊີງຕັນ, ທ່ານ ເດວິດ ມັນພາສ, ປະທານ ທະນາຄານໂລກ ເຕືອນວ່າ: ການແຜ່ລະບາດໂຄວິດ-19 ອາດເຮັດໃຫ້ ປະຊາກອນໂລກ ທຸກຍາກ ເພີ່ມຂຶ້ນເປັນ 100 ລ້ານຄົນ ຢູ່ພາຍໃຕ້ ຄວາມທຸກຍາກ ຂັ້ນຮຸນແຮງ ຈາກທີ່ເຄີຍ ຄາດໄວ້ ກ່ອນໜ້ານີ້ ພຽງ 60 ລ້ານຄົນ ແລະ ຕົວເລກ ອາດສູງກວ່ານັ້ນ ຫາກການລະບາດ ຮຸນແຮງຂຶ້ນ ຫລື ແກ່ຍາວເວລາ ອອກໄປອີກ.
![](https://kkklao.com/wp-content/uploads/2020/08/1-23-1024x536.jpg)
ຈາກສະຖານະການ ດັ່ງກ່າວ ຈຶ່ງຈຳເປັນທີ່ເຈົ້າໜີ້ ຈະຕ້ອງຫລຸດໜີ້ ໃຫ້ກັບປະເທດ ທີ່ທຸກຍາກ ທີ່ມີຄວາມສ່ຽງ ນອກເໜືອ ຈາກພຽງ ການພັກຈ່າຍໜີ້ ແລະ ຍັງມີອີກ ຫລາຍປະເທດ ທີ່ຈຳເປັນຕ້ອງປັບໂຄງສ້າງໜີ້ ພາຍໃນປະເທດ.
![](https://kkklao.com/wp-content/uploads/2020/08/2.png)
ກ່ອນໜ້ານີ້ ກຸ່ມປະເທດ ເສດຖະກິດກ້າວໜ້າ 20ປະເທດ ຫລື ຈີ20 ໄດ້ໃຫ້ຄຳໝັ້ນສັນຍາ ທີ່ ຈະພັກການຊຳລະໜີ້ ໃຫ້ກັບປະເທດ ທີ່ທຸກຍາກທີ່ສຸດ ໄປຈົນເຖິງ ທ້າຍປີນີ້ ແລະ ຂະນະນີ້ ພວມມີການ ສະໜັບ ສະໜູນ ໃຫ້ຂະຫຍາຍ ການຊຳລະໜີ້ ອອກໄປ ຈົນເຖິງປີໜ້າ.ປັດຈຸບັນໂຄວິດ-19 ເຮັດໃຫ້ມີ ຜູ້ເສຍຊີວິດ ທົ່ວໂລກ ເກືອບ 800.000 ຄົນ ແລະ ຕິດເຊື້ອໂຄວິດ-19 ກວ່າ 20 ລ້ານຄົນແລ້ວ.
ຮຽບຮຽງຂ່າວໂດຍ ສະໄຫວ
Discussion about this post