ຕາມແຫລ່ງຂ່າວຈາກ ຈາກາຕາ, ວັນທີ21ສິງຫານີ້, ທ່ານ ນາງ ເຣດໂຕ ມາຊູດີ, ລັດຖະມົນຕີ ກະຊວງ ການຕ່າງປະເທດ ອິນໂດເນເຊຍ ພວມຢູ່ໃນລະຫວ່າງ ການຢ້ຽມຢາມຈີນຢ່າງເປັນທາງການ ໄດ້ລົງນາມ ຂໍ້ຕົກລົງ ເບື້ອງຕົ້ນ ກັບ ຊີໂນແວກ ໄບໂອເທັກ ບໍລິສັດ ການຢາຂອງຈີນ ກ່ຽວກັບ ການຈັດຊື້ ແລະ ສົ່ງມອບ ຢາປ້ອງກັນ ໂຄວິດ-19 ຫລື ວັກແຊງ ໂຄໂຣນາແວກ (CoronaVac) ຈຳນວນ 40 ລ້ານຊຸດ(ໂດສ)
ລະຫວ່າງ ເດືອນພະຈິກ ທ້າຍປີນີ້ ຫາເດືອນມັງກອນ ປີໜ້າ ຫລັງຈາກນັ້ນ ໄບໂອຟາມາ ບໍລິສັດຢາທາງການ ຈະມີສິທິພິເສດ ໃນການເຂົ້າເຖິງ ວັກແຊງນີ້ຈົນເຖິງທ້ານປີໜ້າ.ຂະນະທີ່ ອິນໂດເນເຊຍ ມີຜູ້ຕິດເຊື້ອໂຄວິດ-19 ສະສົມ 147.211 ຄົນ, ເສຍຊີວິດ 6.418 ຄົນ ນອກຈາກ ຊອກຫາ ວັກແຊງ ຈາກຕ່າງປະເທດ ໃຫ້ແກ່ປະຊາກອນ 260 ລ້ານຄົນແລ້ວ ຍັງພັດທະນາ ວັກແຊງ ໃນປະເທດ ອີກດ້ວຍ ຊີໂນແວກ ເລີ່ມທົດລອງ ວັກແຊງໂຄວິດ-19 ໃນໄລຍະທີ່ 3 ໃນອິນໂດເນເຊຍ ຕັ້ງແຕ່ອາທິດກ່ອນ ມີອາສາສະໝັກ ເຂົ້າຮ່ວມ 1.620 ຄົນ.
ຮຽບຮຽງຂ່າວໂດຍ ສະໄຫວ
Discussion about this post