ສັງຄົມທຸກມື້ນີ້ມີຄົນດີ ກໍ່ຕ້ອງມີຄົນບໍ່ດີ ແລະ ຍັງມີຄົນຈຳພວກໜຶ່ງສວຍໃຊ້ໂອກາດ ເທິງຄວາມທຸກຂອງຄົນອຶ້ນ ມື້ນີ້ທີມງານ ກຂຄ ລາວ ຈະແຈ້ງຢ່າຫລົງເຊື່ອກຸ່ມຄົນພວກນີ້ເດັດຂາດ.
ເມື່ອວັນທີ່ 19/08/2020 ທີ່ຜ່ານມາໄດ້ມີຜູ້ໃຊ້ Facebook ຊື່ naet xaiyabouasone ໄດ້ໂພສຂໍຄວາມຊ່ວຍເຫຼືອ ຊື້ໂລງສົບໃຫ້ຄົນທຸກຍາກຂາດເຂິີນ ລາຍລະອຽດຕາມຮູບດ້ານລຸ່ມນີ້:
ເຊິ່ງເວລາຕໍ່ມາຜູ້ໂພສກໍ່ໄດ້ປິດຮັບບໍລິຈາກແລ້ວ ລວມມູນຄ່າເງິນບໍລິຈາກຈຳນວນ 10,800,000 ກີບ ແລະ ໄດ້ມອບຮັບກັນແລ້ວ.
ຫຼັງຈາກນັ້ນເມື່ອວັນທີ່ 21/08/2020 ກໍໄດ້ມີກຸ່ມຄົນບໍ່ດີສວຍໃຊ້ໂອກາດຫາເງິນໃຫ້ຕົວເອງເທິງຄວາມທຸກ ແລະ ຄວາມຫວັງດີ ຂອງຜູ້ອຶ້ນ.
ໄດ້ມີຜູ່ໃຊ້ Facebook ຊື່ ออย ลินนา ໄດ້ນຳເອົາຮູບແລະ ຂໍ້ຄວາມດັ່ງກວ່າມາໂພສ ອີກຄັ້ງ, ໂດຍປ່ຽນ ເລກບັນຊີ ໃສ່ເປັນຂອງຕົນເອງ ແລະ ກໍ່ມີຄົນຫລົງເຊື່ອໂອນໄປເສຍຫາຍເປັນຈຳນວນຫຼາຍຄົນ.
ຕໍ່ກັບເຫດການດັ່ງກ່າວເມື່ອຜູ່ກ່ຽວໄດ້ເງິນແລ້ວກໍ່ ລົບໂພສໃນ 1 ຊົ່ວໂມງຕໍ່ມາ ເພື່ອລົບໜີ້ຄວາມຜິດ.
*ເລື່ອງນີ້ຍາກໃຫ້ທຸກຄົນເຊັກຂໍ້ມູນແລະລາຍລະອຽດກ່ອນ ເພື່ອບໍ່ໃຫ້ຕົກເປັນເຫຍື້ອກຸ່ມຄົນບໍ່ດີພວກນີ້ ແລະ ຢາກໃຫ້ເຈົ້າໜ້າທີດຳເນີນຄະດີກັບກຸ່ມຄົນພວກນີ້ໃຫ້ເຖິງທີ່ສຸດ.
ນຳສະເໜີ ແລະ ຮຽບຮຽງໂດຍ: ທີມງານ ກຂຄ ລາວ
Discussion about this post