ຮູ້ຫຼືບໍ່ ໝາກຂາມປ້ອມ ບຳລຸງຕັບ-ຕ້ານມະເຮັງ

ສະໝຸນໄພເພື່ອສຸຂະພາບ ໝາກຂາມປ້ອມ ເປັນສະໝຸນໄພທີ່ມີມາແຕ່ສະໄໝບູຮານນະການ ເປັນຢາ ປັດຈຸບັນມີການສຶກສາປະໂຫຍດຂອງໝາກຂາມປ້ອມຫຼາຍຂຶ້ນ ຊຶ່ງເຮັດໃຫ້ເກີດການຢືນຢັນໄດ້ເຖິງປະໂຫຍດເກົ່າ ແລະ ປະໂຫຍດໃໝ່ຫຼາຍຂຶ້ນເຊັ່ນ: ໝາກຂາມປ້ອມມີວິຕາມິນສູງຫຼາຍ ສູງກວ່າໝາກແອັບເປີ້ນເຖິງ 160 ເທົ່າ ແລະ ວິຕາມິນ C ໃນໝາກຂາມປ້ອມບໍ່ສູນເສຍໄປໃສເຖິງຈະຖືກແປຮູບ ຫຼື ເກັບໄວ້ໃນບ່ອນເຢັນດົນໆ.

ທຽບໄດ້ວ່າກິນໝາກຂາມປ້ອມ 1 ໜ່ວຍກໍຈະໄດ້ຮັບວິຕາມິນ C ພຽງພໍສໍາລັບຮ່າງກາຍ 1 ມື້

ໃນໝາກຂາມປ້ອມຍັງມີແຮ່ທາດພວກ ຟອສຟໍຣັສ ແມກນີເຊຍ ເຫຼັກ ມັງການັສ ສັງກະສີ ຄູເປີ ໂຊດ່ຽມ ເຊເລນຽມສູງກວ່າແອັບເປີ້ນຫຼາຍເທົ່າປະໂຫຍດທາງຢາຂອງໝາກຂາມປ້ອມມີຄື ຫຼຸດຜ່ອນການເປັນພິດຕໍ່ຕັບສາມາດຮັກສາພະຍາດຕັບອັກເສບຈາກການຕິດເຊຶ້ອພະຍາດຕັບອັກເສບ B ໃນການສຶກສາປະໂຫຍດຂອງໝາກຂາມປ້ອມພົບວ່ານໍ້າຄັ້ນໝາກຂາມປ້ອມສົດສາມາດປ້ອງກັນການເກີດສານພິດຕໍ່ຕັບໄດ້ ແລະ ຍັງມີລາຍງານວ່າສານສະກັດຈາກໝາກຂາມປ້ອມສາມາດຕ້ານການເກີດເປັນມະເຮັງຕໍ່ຕັບໄດ້

ປັດຈຸບັນໝາກຂາມປ້ອມໄດ້ເປັນສ່ວນປະກອບຫຼັກຂອງຢາ ທີ່ໄດ້ຮັບການຈົດສິດບັດໃນ ອາເມຣິກາແລ້ວ ຊຶ່ງມີຢູ່ໃນຫຼາຍຮູບແບບດ້ວຍກັນ ຜູ້ປ່ວຍທີ່ກໍາລັງມີອາການພະຍາດຕັບອັກເສບ B ແລະ C ໄດ້ຜົນດີ ແລະ ຍັງລະບຸອີກວ່າໝາກຂາມປ້ອມຍັງກະຕຸ້ນເຊວຕັບທົດແທນເຊວທີ່ຖືກທໍາຮ້າຍອີກດ້ວຍ