ນັກໂທດຊາຍຝາກຈົດໝາຍເຖີງຄົນທາງບ້ານວ່າຢ່າເຮັດໃນສີ່ງທີ່ບໍ່ດີ

ມີນັກໂທດຊາຍຄົນໜື່ງໄດ້ຕິດຄຸກຢູ່ ປະເທດໄທ ໄດ້ຂຽນຈົດໝາຍເພື່ອເປັນຄະຕິເຕືອນໃຈວ່າສະພາບຢູ່ໃນຄຸກນັ້ນບໍ່ດີເລີຍຢ່າໄດ້ເຮັດໃນສີ່ງທີ່ບໍ່ດີຜິດຕໍ່ກົດໝາຍບ້ານເມືອງເໝືອນກັບຕົນເອງທີ່ໄດ້ເຮັດໄວ້ແລ້ວໄດ້ຕິດຄຸກເຊີ່ງເນື້ອໃນຈົດໝາຍໄດ້ຂຽນວ່າ “ເມື່ອເຂົ້າໄປຢູ່ຄຸກ ຮັບທັນທີເສື້ອ 3 ໂຕຜ້າຫົ່ມ 1 ຜືນສີນ້ຳຕານແລະໂສ້ງສີແດງຊ້ຳ ເສື້ອສີນ້ຳຕານ ຕູ້ລອ໋ກເກີຂະໜາດ 30×45 (1 ອັນ) ແມ່ນໃຊ້ຮ່ວມກັນ 2-3 ຄົນ ຮັບທັນທີເພື່ອນຫຼາຍກ່ວາຢູ່ໃນເຟສບຸກ,

ເກືອບ 4 ພັນຄົນສວດມົນຍີ່ງກວ່າເຈົ້າອາວາດ ຫຼາຍກວ່າ 10 ເທື່ອຕໍ່ມື້. ແຕ່ລະມື້ນັ່ງລ້າໆ ຄິດແຕ່ເລື່ອງໂລກທີ່ແຕກ, ກຳແພງພັງຖະລົມ ນັ່ງແລະລໍຖ້າການໃຫ້ອະໄພ 4 ປີຄັ້ງໜື່ງ ນັ່ງເວົ້າຄົນດຽວ, ນັ່ງລົມກັບມົດ ເວົ້າກັບກຳແພງ ກາເຟ 1 ຈອກ, ກີນນຳກັນ 10 ຄົນ. ຊັກເຄື່ອງນຸ່ງທີ່ມີແຕ່ຄົນໃສ່ ບໍ່ມີຄົນຕາກ ຢູ່ທາງນອກນອນຕຽງ ຢູ່ທາງໃນນອນພື້ນ ຢູ່ນອກເອີ້ນກັນກີນເບຍ ຢູ່ໃນເອີ່ນກັນເກັບເຄື່ອງ ສະລິບ ນຸ່ງແລ້ວຍັງເສຍ,

ແລ້ວເມຍຈະຢູ່ບໍ?? ໝູ່ເພື່ອນທີ່ເຄີຍເວົ້າວ່າຮັກຕາຍແທນກັນໄດ້ກໍ່ເລີ່ມຕົ້ນຫ່າງຫາຍໄປ. ພົບກັນອີກຄັ້ງກໍໃກ້ໆຈະກັບມາເຮືອນ. ແກງຖົງລະ 15-16 ບາດ(ເງິນໄທ) ແກງມີແຕ່ນ້ຳມັນໝູລອຍ ຕອນສວາຍກີນເຂົ້າຕົ້ມກັບຮາກໝາກຫຸ່ງ. 5 ໂມງເຊົ້າ, ຕ້ອງລຸກຂື້ນສູດມົນທຸກຄົນ ຖ້າຍາດພີ່ນ້ອງເຈົ້າບໍ່ໄປຢ້ຽມຢາມ ເຈົ້າກໍ່ເປັນໝາຫຼາຍກ່ວາ ໝາ ຊັກເຄື່ອງໃຫ້ເຂົາແລະເປັນຂີ້ຂາໃຫ້ເຂົາ ແລ້ວພະຍາດພາຍໃນສາມາດເຮັດໃຫ້ເຈົ້າຕາຍໄດ້,

ເຈົ້າຮູ້ບໍ?? ພະຍາດທີແປກ, ພະຍາດຂີ້ຫິດ, ວັນນະໂລກ, ໂຣກເອດກໍ່ມີ, ເປັນໄຂ້ເຈົ້າຕ້ອງຊື້ຢາພາລາມິເຕີ ກີນເອງ ບໍ່ສຳພັດເອງບໍ່ຮູ້ດອກ. ບໍ່ແມ່ນຟັງເຂົາເວົ້າລະເອົາກ໋ອບປີ້ໄປລົງ ຄຸກທັງໝົດ ແມ່ນໂຫດຮ້າຍທຸກຄຸກ, ບໍ່ມີຄຸກໄດ້ທີຈະສະດວກສະບາຍ, ເຖິງເຈົ້າມີເງີນ 1,000 ລ້ານເຈົ້າກໍ່ໄດ້ແຕ່ເສື້ອ 3 ໂຕກັບຕູ້ລ໋ອກເກີ 1 ອັນນັ່ງຕໍ່ຄິວກີນເຂົ້າ.

ຈົ່ງຄິດລະມັດລະວັງກ່ອນທີ່ຈະແຮງຈະເຮັດ ໂລກນີ້ບໍ່ມີໃຜຢ້ານໃຜດອກ 1 ປີຍັງພໍໄຫວ, ດົນໆໄປໃຜຈະຖ້າເຈົ້າ ເມຍເຈົ້າເຮັດຫຍັງເຈົ້າຈະຮູ້ບໍ່?? ໃນຍຸກນີ້ວັດກັນຄືເງີນໃນບັນຊີ. ເບົາໄດ້ລະເບົາຖ້າບໍ່ຢາກນອນບ່ອນແຄບ ຝາກໄວ້ໃຫ້ຄວາມຄິດ ກ່ອນຈະສາຍເກີນແກ້”