ເປີດຊີວິດ ສອນນາລາຍ ອະດີດນັກມວຍດັງຊີວິດລັນທົດ ຕ້ອມຍອມອົດເພື່ອໃຫ້ລູກ 4 ຄົນ ໄດ້ກິນອີ່ມ

ຜູ້ສື່ຂ່າວລາຍງານຈາກຈັງຫວັດພັດທະລຸງວ່າດ້ວຍສະພາບສະພາວະວິກິດ ເຮັດໃຫ້ຫຼາຍຄອບຄົວຕ້ອງຕົກງານ ແລະ ບໍ່ມີລາຍໄດ້ເຂົ້າມາລ້ຽງມາຄອບຄົວ ເຮັດໃຫ້ຢູ່ກັນດ້ວຍຄວາມຍາກລຳບາກ ຢ່າງຄອບຄົວ ທ້າວ ທະວັດ ຊູແກ້ວ ອາຍຸ 34 ປີ ແລະ ນາງສາວ ວະລາພອນ ຊູແກ້ວ ອາຍຸ 35 ປີ ພັນລະຍາ ອຳເພີປ່າພະຍອມ ຈັງຫວັດພັດທະລຸງ ອາໄສຢູ່ກັບລູກຊາຍ ແລະ ຍິງ ລວມ 6 ຄົນ

ຈາກທີ່ທ້າວທະວັດ ເຊິ່ງເປັນຫົວໜ້າຄອບຄົວ ມີອາຊີບເປັນລູກຈ້າງເກັບຂີ້ເຫຍື້ອຂອງເທດສະບານຕຳບົນລານຂ່ອຍ ອຳເພີປ່າພະຍອມ ມີລາຍໄດ້ເດືອນລະ 9.000 ບາດ ແຕ່ໄດ້ກູ້ເງິນຈາກທະນາຄານອອມສິນ ເພື່ອນຳເງິນກ້ອນມາລ້ຽງລູກ ໃນແຕ່ລະເດືອນຈຶ່ງຖືກຫັກເຫຼືອ 4.000 ບາດ ເປັນຄ່າໃຊ້ຈ່າຍ

ແລະກ່ອນໜ້ານີ້ພັນລະຍາ ນາງສາວ ວະລາພອນ ກໍ່ໄດ້ເຮັດເສີມໂດຍຮັບຈ້າງເຮັດວຽກໃນສະຖານທີ່ລ່ອງແກ່ງ ຂອງຕຳບົນລານຂ່ອຍ ມື້ລະ 250-300 ບາດ ເພື່ອມາຈຸນເຈືອຄອບຄົວແຕ່ຜົນກະທົບຈາກໂລກລະບາດ ເຮັດໃຫ້ສະຖານທີ່ລ່ອງແກ່ງໃນພື້ນທີ່ອຳເພີປ່າພະຍອມໄດ້ປິດຕົວລົງ ຈົນເຮັດໃຫ້ທາງຄອບຄົວບໍ່ມີວຽກເຮັດງານທຳ ແລະ ມີເງິນຄ່າແຮງຈາກສາມີພຽງທາງດຽວ

ໂດຍ ວະລາພອນ ຊູແກ້ວ ອາຍຸ 35 ປີ ພັນລະຍາກ່າວ ເມື່ອກ່ອນບໍ່ຂັດສົນແບບນີ້ ແຕ່ພໍມາເຈິສະຖານະການແບບນີ້ຍ້ຳແຍ່ສຸດໆໃນຊີວິດ ຕະຫຼອດຫຼາຍວັນທີ່ຜ່ານມາຕ້ອງແອບຮ້ອງໄຫ້ເມື່ອລູກຖາມວ່າ ແມ່ມື້ອື່ນເຮົາຈະກິນຫຍັງ ແມ່ເມື່ອໃດເງິນເດືອນພໍ່ຈະອອກ ຈະໄດ້ຊື້ຫຍັງກິນ

ບາງມື້ບໍ່ມີເງິນຊື້ເຂົ້າສານຫຸງເຂົ້າໃຫ້ລູກກິນ ເພາະບໍ່ມີເງິນຈະໄປຊື້ຈົນຕ້ອງໄປຂໍເຂົ້າສານຈາກຍາດໃກ້ເຮືອນມາຈຸນເຈືອ ພໍປະທັງໄປວັນໆ ຈົນບາງຄັ້ງຈົນກົດດັນ ເມື່ອເຫັນລູກຮ້ອງໄຫ້ ເພາະຄວາມຫິວທໍ້ຈົນບໍ່ຢາກຈະອະທິບາຍຫຍັງ ແຕ່ກໍ່ມີເອື້ອຍໄດ້ໂທມາສອບຖາມ ແລະ ໃຫ້ກຳລັງໃຈ ໂດຍແບ່ງເງິນມາໃຫ້ໃຊ້ຈ່າຍມື້ລະ 100 ຫຼື 200 ແລ້ວແຕ່ສະດວກ

ດ້ານນາງອາທິດຕະຍາ ຊູເກື້ອ ເປັນຄູໂຮງຮຽນບ້ານທຸ່ງຊຸມພົນ ຕຳບົນລານຂ່ອຍ ອຳເພີປ່າພະຍອມ ຈັງຫວັດພັດທະລຸງ ທີ່ຄ່ອຍຫຍິບຍື່ນເຂົ້າສານ ອາຫານ ແລະ ເງິນໃຊ້ຈ່າຍໃນບາງຄັ້ງ ກ່າວ່າປົກກະຕິທາງຄອບຄົວນີ້ກໍ່ຫາເຊົ້າກິນຄ່ຳ ແຕ່ເມື່ອມາເຈິວິກິດ ຍິ່ງເຮັດໃຫ້ຄອບຄົວທຸກລົງໄປ

ຫຼ້າສຸດຜູ້ສື່ຂ່າວໄດ້ປະສານໄປຍັງ ທ້າວ ກູ້ກຽດ ວົງກະພັນ ຜູ້ວ່າລາດຊະການຈັງຫວັດພັດທະລຸງ ເພື່ອໃຫ້ການຊ່ວຍເຫຼືອ ໂດຍທາງຜູ້ວ່າໄດ້ປະສານໄປຍັງສຳນັກງານພັດທະນາສັງຄົມຈັງຫວັດພັດທະລຸງ ໃຫ້ເລັ່ງລົງພື້ນທີ່ກວດສອບ ພ້ອມປະສານໄປຍັງເຫຼົ່າກາຊາດຈັງຫວັດພັດທະລຸງ ໃຫ້ເຂົ້າໄປດູແລ ແລະ ຊ່ວຍເຫຼືອໃນເບື້ອງຕົ້ນແລ້ວເຊັ່ນກັນ

ແລະສຳຫຼັບ ທ້າວ ທະວັດ ຊູແກ້ວ ອະດີດເຄີຍເປັນນັກມວຍໄທຊື່ດັງໃນນາມ ສອນນາລາຍ ທີ່ເຄີຍໂດ່ງດັງເທິງສະໜາມສັງວຽນມວຍລາດດຳເນີນ ແລະ ສະໜາມມວຍຊ່ອງ 3 ໃນປີ 2549 – 2552