ລັດຖະບານ ໃຫ້ອະໄພຍະໂທດ ນັກໂທດທີ່ປະພືດດີ ຈຳນວນ 2017 ຄົນ

ໃນປີ 2021 ນີ້, ຜ່ານການກວດກາ ຄົ້ນຄວ້າຢ່າງລະອຽດຖີຖ້ວນ, ພາວະວິໃສຂອງເຈົ້າໜ້າທີ່ອົງການຕຸລາການ ແລະ ຍຸຕິທຳ ລັດຖະບານ ມີນະໂຍບາຍສະເໜີອະໄພຍະໂທດ ໃຫ້ນັກ ໂທດຜູ້ທີ່ມີຜົນງານດີ ເພື່ອສະເໜີ ຕໍ່ປະທານປະເທດ ຕົກລົງໃຫ້ອະໄພຍະໂທດ ໃຫ້ນັກໂທດທັງໝົດ ຈຳນວນ 2.017 ຄົນ, ຍິງ 284 ຄົນ, ຄົນຕ່າງປະເທດ 27 ຄົນ, ຍິງ 5 ຄົນ. ໃນນີ້, ໃຫ້ອະໄພຍະໂທດດ້ວຍການຫລຸດຜ່ອນໂທດ ຈຳນວນ 2005 ຄົນ, ຍິງ 281 ຄົນ, ຕ່າງປະເທດ 27 ຄົນ, ຍິງ 5 ຄົນ; ອະໄພຍະໂທດປ່ອຍຕົວ ຈຳນວນ 12 ຄົນ, ຍິງ 3 ຄົນ, (ບໍ່ມີຄົນຕ່າງປະເທດ)

ໂດຍ, ໃນແຕ່ລະປີລັດຖະບານ ກໍ່ໄດ້ມີນະໂຍບາຍສະເໜີອະໄພຍະໂທດ ໃຫ້ແກ່ນັກໂທດຜູ້ທີ່ມີຜົນງານດີເດັນ, ມີຄວາມກ້າວໜ້າໃນເວລາປະຕິບັດໂທດ ຖືກຕ້ອງຕາມແນວທາງນະໂຍບາຍຂອງພັກ ຕາມຫຼັກການມະນຸດສະທຳຂໍ້ມູນ: ອົງການໄອຍະການສູງສຸດ