ວັນທີ22ພະຈິກ2021,ສຳນັກງານ ນາຍົກ ລັດຖະມົນຕີ ອັງກິດ ອອກຖະແຫລງ ການວ່າ:ຕັ້ງແຕ່ ປີໜ້າ ເປັນຕົ້ນໄປ ທຸກອາຄານ ທີ່ສ້າງໃໝ່ ໃນປະເທດ ອັງກິດ ຈະຕ້ອງມີຈຸດ ສາກໝໍ້ໄຟ ຂອງລົດໄຟຟ້າ ຕາມກົດໝາຍໃໝ່ ທີ່ ທ່ານ ບໍຣີສ ຈອນສັນ,ນາຍົກ ລັດຖະມົນຕີ ອັງກິດ ປະກາດ
ບັງຄັບໃຊ້ໃນປີໜ້າ ເຊິ່ງຈະເຮັດໃຫ້ ອັງກິດ ມີຈຸດສາກໝໍ້ໄຟ ລົດໄຟຟ້າ ເພີ່ມຂຶ້ນ 1450.000 ຈຸດຕໍ່ປີ ຈົນເຖິງ2030 ເຊິ່ງເປັນປີ ທີ່ອັງກິດ ຈະຢຸດໃຫ້ ບໍລິການ ຈຳໜ່າຍ ລົດລຸ້ນໃໝ່ ທີ່ໃຊ້ນ້ຳມັນ ປະເພດ ກາຊວງ ແລະ ນ້ຳມັນ ແອັດຊັງ.
ຂໍ້ບັງຄັບກົດໝາຍ ດັ່ງກ່າວ ກວມເອົາທັງເຮືອນ ທຸກຫລັງ ທີ່ສ້າງໃໝ່ ເຊັ່ນກັນ ລວມທັງ ອາຄານ ທີ່ບໍ່ໄດ້ພັກອາໄສ ເຊັ່ນ:ອາຄານ ສຳນັກງານ ແລະ ສູນການຄ້າ.ນອກນີ້ ຍັງຈະບັງຄັບໃຊ້ ກັບອາຄານເກົ່າຕ່າງໆ ທີ່ມີການປັບປຸງ ຂະໜາດໃຫຍ່ ໃຫ້ມີບ່ອນຈອດລົດ ໄດ້10ຄັນ ຂຶ້ນໄປ
Discussion about this post