ໜີບໍ່ລອດ!..ຮ່ວມກັນລັກຫຼັກແຜ່ນໂຕນ ໂຄງການກໍ່ສ້າງທາງລົດໄຟ

ວັນທີ 9 ພະຈິກ ຜ່ານມາ, ເຈົ້າໜ້າທີ່ຕຳຫຼວດປ້ອງກັນເສັ້ນທາງລົດໄຟລາວ-ຈີນ ປະຈຳຈຸດບ້ານຫ້ວຍນໍ້າເຢັນ ເມືອງນາຊາຍທອງ ນວ ສາ ມາດຈັບຜູ້ກໍ່ເຫດລັກຊັບ ໄດ້ 2 ຄົນ ພ້ອມຂອງກາງ ເຫຼັກແຜ່ນໂຕນ ທີ່ໃຊ້ເຂົ້າໃນການກໍ່ສ້າງເສັ້ນທາງລົດໄຟ ຂະໜາດກວ້າງ 1 ແມັດ,ຍາວ 1,20 ແມັດ ໜັກ 100 ກິໂລກຼາມ,ມູນຄ່າ 1.900.000 ກີບ ສົ່ງໃຫ້ກອງບັນຊາການ ປກສ ເມືອງນາຊາຍທອງ ດຳເນີນຄະດີ.

ເຈົ້າໜ້າທີ່ ປກສ ເມືອງນາຊາຍທອງ ໃຫ້ຮູ້ວ່າ: ຜູ້ຖືກຫາ ທັງ 2 ຄົນ ຊື່ ທ້າວ ວັນສີ ອາຍຸ 34 ປີ ແລະ ທ້າວ ເຕດ ອາຍຸ 26 ປີ ຢູ່່ເມືອງນາຊາຍທອງ ນວ,ພວກກ່ຽວ ສາລະພາບວ່າ: ເວລາປະມານ 17:00 ໂມງ ຂອງວັນທີ 9 ພະຈິກ 2021 ໄດ້ຊວນກັນອອກໄປລັກເອົາເຫຼັກຢູ່່ການກໍ່ສ້າງເສັນທາງລົດໄຟລາວ-ຈີນ ເຂດບ້ານຫ້ວຍນໍ້າເຢັນ ເມືອງນາຊາຍທອງ ນວ.

ເມື່ອໄປຮອດຈຸດດັ່ງກ່າວ ໄດ້ພ້ອມກັນລົງມືລັກເອົາເຫຼັກເເຜ່ນໂຕນ 1 ແຜ່ນ,ແຕ່ໃນຂະນະທີ່ກຳລັງເຄື່ອນຍ້າຍແຜ່ນຫຼັກອອກມາ ຈາກຈຸດດັ່ງ ກ່າວ ກໍມີເຈົ້າໜ້າທີ່ປ້ອງກັນເສັ້ນທາງລົດໄຟລາວ-ຈີນ ມາພົບເຫັນ ແລະ ຖືກຈັບສົ່ງໄປດຳເນີນຄະດີ.

ປັດຈຸບັນຄະດີດັ່ງກ່າວ,ເຈົ້າໜ້າທີ່ພະແນກຕຳຫຼວດ ປກສ ເມືອງນາຊາຍທອງ ນວ ກຳລັງເລັ່ງສະຫຼຸບສຳນວນຄະດີ ເພື່ອສົ່ງໃຫ້ໄອຍະການ ສັ່ງຟ້ອງສານຕັດສິນ ລົງໂທດຕາມກົດໝາຍ.

ທີ່ມາ: ປ້ອງກັນຄວາມສະຫງົບນະຄອນຫຼວງວຽງຈັນ