ໜີບໍ່ລອດ!..ກວດຄົ້ນພົບຢາບ້າ 172 ເມັດ ທີ່ຊຸກເຊື່ອງໄວ້ໃນເບາະລົດຈັກ

ວັນທີ 11 ຕຸລາ ຜ່ານມາ,ປກສ ກຸ່ມໜອງບຶກ ເມືອງສີໂຄດຕະບອງ ນວ ໄດ້ເຂົ້າກັກຕົວເປົ້າໝາຍຢາເສບຕິດ ຊື່ ທ້າວ ສອນພິລຸນ ອາຍຸ 33 ປີ ຢູ່່ບ້ານສີໄຄທ່າ ເມືອງສີໂຄດຕະບອງ ນວ ກວດຄົ້ນພົບຢາບ້າ 172 ເມັດ ທີ່ຊຸກເຊື່ອງໄວ້ໃນເບາະລົດຈັກຂອງຜູ້ກ່ຽວ ສົ່ງໃຫ້ກອງບັນຊາ ການ ປກສ ເມືອງສີໂຄດຕະບອງ ດໍາເນີນຄະດີ.

ຜ່ານການສອບສວນເບື້ອງຕົ້ນ ຜູ້ຖືກຫາ ສາລະພາບວ່າ: ຢາບ້າຈໍານວນດັ່ງກ່າວ ແມ່ນຂອງຜູ້ກ່ຽວແທ້,ສ່ວນຢາບ້າ ທີ່ນຳມາເສບ ແລະ ຂາຍ ແມ່ນຊອກຊື້ນຳໄວລຸ້ນທີ່ລັກລອບຂາຍຢູ່່ຕາມຮ້ານອິນເຕີເນັດຄາເຟ ໃນເຂດເມືອງສີໂຄດຕະບອງ ນວ.

ໃນໄລຍະຜ່ານມາ, ຜູ້ຖືກຫາ ໄດ້ພົວພັນເຄື່ອນໄຫວເສບຢາບ້າ ມາແຕ່ປີ 2018, ສະເລ່ຍ ເສບມື້ລະ 4-5 ເມັດ ແລະ ຍັງເຄີຍຖືກນຳຕົວໄປດັດສ້າງ ຢູ່່ດອນທ້າວ 2 ປີ.ພາຍຫຼັງຮັບປະກັນຕົວອອກມາ,ຜູ້ກ່ຽວກໍໄດ້ມີການເຄື່ອນໄຫວຊື້-ຂາຍ ແລະ ເສບຢາບ້າຄືນໃໝ່.

ຂໍ້ມູນຂ່າວ-ພາບ: ປກສ ນະຄອນຫຼວງວຽງຈັນ