ອົງການຢູນິເຊັບ (UNICEF) ປະຈຳລາວ ໄດ້ຈັດພິທີມອບອຸປະກອນ ສຸຂະອະນາໄມທີ່ຈຳເປັນ ແລະ ຊຸດອຸປະກອນສຳລັບກິດຈະກຳ ມື້ວານນີ້ ວັນທີ 26 ສິງຫາ 2020 ທີ່ ກະຊວງແຮງງານ ແລະ ສະຫວັດດີການສັງຄົມ, ຮັບໂດຍລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທ່ານ ປອ ຄໍາແພງ ໄຊສົມແພງ ແລະ ມອບໂດຍຕາງໜ້າອົງການຢູນີເຊັບ ປະຈໍາລາວ ທ່ານນາງ ດຣ. ເພຍ ບຮິໂຕ.
![](https://kkklao.com/wp-content/uploads/2020/08/aug271-1024x683.jpg)
ເຄື່ອງດັ່ງກ່າວປະກອບມີສະບູ, ນໍ້າຢາຊັກຜ້າ, ແຟັບຊັກເຄຶ່ອງ ແລະ ອຸປະກອນແຕ້ມຮູບ ໃຫ້ແກ່ເດັກກວ່າ 1.000 ຄົນ ຢູ່ ສະຖານດູແລເດັກ ຢູ່ 6 ແຂວງ ແລະ 2 ສູນ ຂອງອົງການຈັດຕັ້ງທາງສັງຄົມ ທີ່ໃຫ້ການການຊ່ວຍເຫລືອແກ່ເດັກຜູ້ລອດຊີວິດ ຈາກການໃຊ້ຄວາມຮຸນແຮງ ແລະ ເດັກຂ້າງຖະຫນົນໃນນະຄອນຫລວງ ເພື່ອຕໍ່ສູ້ກັບພະຍາດໂຄວິດ-19.
ເຄື່ອງອຸປະກອນດັ່ງກ່າວ ໄດ້ຮັບການສະຫນັບສະຫນູນຈາກລັດຖະບານສະຫະລັດອາເມລິກາໂດຍຜ່ານອົງການພັດທະນາສາກົນ ( USAID) ແລະ ລັດຖະບານຍີ່ປຸ່ນ.
ຂ່າວ-ພາບ: ວຽງດາວັນ ວຽງຈັນທາຍ
Discussion about this post