ດັ່ງທີ່ພວກເຮົາຮັບຮູ້ກັນແລເວ ວ່າສະພາບການລະບາດຂອງພະຍາດໂຄວິດ-19 ຢູ່ປະເທດໄທນັບມື້ຍິ່ງໜັກໜ່ວງຂຶ້ນ ໃນແຕ່ລະມື້ມີຜູ້ຕິດເຊື້ອເພີ່ມຂຶ້ນຫຼາຍພັນຄົນ ແລະ ມີລາຍງານຜູ້ເສຍຊີວິດທຸກມື້ເຊັ່ນດຽວກັນ.
![](https://kkklao.com/wp-content/uploads/2021/07/Screenshot_2021-07-09-15-53-00-59-1024x674.jpg)
ຈາກຂ່າວທີ່ແຜ່ຫຼາຍໃນໂລກອອນລາຍຕອນນີ້ຈະເຫັນໄດ້ວ່າຕຽງປິ່ນປົວຄົນເຈັບແມ່ນບໍ່ພຽງພໍ ຂະນະດຽວກັນ ກໍ່ມີຜູ້ຕິດເຊື້ອໂຄວິດ-19 ເສຍຊີວິດຄາເຮືອນກໍ່ມີ.
![](https://kkklao.com/wp-content/uploads/2021/07/Screenshot_2021-07-09-15-52-51-96-773x1024.jpg)
ທັ້ງນີ້ ສິ່ງທີ່ໜ້າຫ່ວງໄປຫຼາຍກວ່ານັ້ນກໍ່ຄືປະເທດເຮົາເນື່ອງຈາກຢູ່ໃກ້ຄຽງກັນ ແລະ ແນ່ນອນຕອນນີ້ມີແຮງງານທີ່ໄປເຮັດວຽກຢູ່ປະເທດໄທ ຫຼັ່ງໄຫຼກັບເຂົ້າມາປະເທດ ພາຍຫຼັງທີ່ສະຖານະການໄທໜ້າເປັນຫ່ວງຫຼາຍ ເຊິ່ງບັນດາແຮງງານທີ່ກັບເຂົ້າມານັ້ນ ກໍ່ມີຈໍານວນບໍ່ໜ້ອຍເລີຍ ທີ່ກວດພົບເຊື້ອໂຄວິດ-19.
![](https://kkklao.com/wp-content/uploads/2021/07/Screenshot_2021-07-09-15-52-43-65-774x1024.jpg)
ໂດຍສະເພາະແມ່ນແຂວງຈໍາປາສັກ ແລະ ແຂວງສະຫວັນນະເຂດ ແມ່ນພົບຜູ້ຕິດເຊື້ອໂຄວິດ-19 ທີ່ເປັນກໍລະນີນໍາເຂົ້າຈໍານວນຫຼາຍ.
![](https://kkklao.com/wp-content/uploads/2021/07/Screenshot_2021-07-09-15-52-33-20-775x1024.jpg)
ແນວໃດກໍ່ຕາມ ຂໍໃຫ້ທັງສອງປະເທດສູ້ຜ່ານວິກິດນີ້ໄປໄດ້ໂດຍໄວ.
![](https://kkklao.com/wp-content/uploads/2021/07/Screenshot_2021-07-09-15-52-25-16-1024x677.jpg)
Discussion about this post