(7.7.21) ຈໍານວນ 7 ບ້ານພາຍໃນເມືອງໂພນໂຮງ ຖືກກຳ ນົດເປັນເຂດແດງ ເນື່ອງຈາກມີຜູ້ຕິດເຊື້ອພະຍາດໂຄວິດ- 19 ຄື: ບ້ານຫລັກ 52, ນາເລົາ, ບ້ານໃໝ່, ນາບອນ, ໜອງປຸ່ງ, ໂພນທັນ, , ແລະ ບ້ານສີວິໄລ. ເຊີ່ງມາຮອດວັນທີ 7 ກໍລະ ກົດ 2021 ທັງ 7 ບ້ານມີຜູ້ຕິດເຊື້ອລວມກັນແລ້ວ 45 ຄົນ ໃນຈຳນວນຜູ້ຕິດເຊື້ອພະຍາດໂຄວິດ-19 ສະສົມທັງ ໝົດ 65 ຄົນ ພາຍໃນແຂວງວຽງຈັນ.
![](https://kkklao.com/wp-content/uploads/2021/07/Screenshot_2021-07-08-18-56-58-81-1024x485.jpg)
ທ່ານ ສົມປະສົງ ສຸວົງຄໍາຈັນ, ເຈົ້າເມືອງໆ ໂພນໂຮງ, ແຂວງວຽງຈັນ ໃຫ້ສໍາພາດວ່າ: ທັງ 7 ບ້ານທີ່ຖືກກຳນົດເປັນເຂດແດງ ແມ່ນອະນຸຍາດໃຫ້ເຂົ້າ-ອອກສໍາລັບຜູ້ທີ່ມີຄວາມຈຳເປັນເທົ່ານັ້ນ ໂດຍມີທຸກຂະແໜງການຂອງແຂວງ, ເມືອງ ແລະ ບ້ານທີ່ກ່ຽວຂ້ອງ ເຮັດວຽກຮ່ວມກັນເພື່ອຄວບ ຄຸມການລະບາດຂອງພະຍາດໂຄວິດ-19 ຢ່າງເຂັ້ມງວດ ແລະ ໄດ້ເກັບຕົວ ຢ່າງຜູ້ທີ່ສໍາຜັດໃກ້ສິດກັບຜູ້ຕິດເຊື້ອໄປກວດກາເຊື້ອແລ້ວ 280 ຕົວຢ່າງ ເຊີ່ງຢູ່ໃນໄລຍະລໍຖ້າຟັງຜົນໃນປັດຈຸບັນນີ້.
![](https://kkklao.com/wp-content/uploads/2021/07/Screenshot_2021-07-08-18-56-45-82.jpg)
ສໍາລັບຜູ້ທີ່ມີຈຸດປະສົງເດີນທາງໄປທາງພາກເໜືອ ຫລື ເດີນທາງເຂົ້າໄປແຂວງວຽງຈັນ ແຕ່ມີຄວາມຈຳເປັນຕ້ອງຜ່ານບັນດາບ້ານທີ່ກຳນົດເປັນເຂດແດງ ແມ່ນສາມາດເດີນ ທາງຜ່ານໄດ້ ແຕ່ຫ້າມຈອດລົດເດັດຂາດ ເພາະແຕ່ລະບ້ານມີເຈົ້າໜ້າທີ່ກ່ຽວຂ້ອງເວນຍາມຢ່າງເຂັ້ມງວດທີ່ສຸດຈົນກວ່າຈະຄົບກຳນົດ 14 ວັນ.
![](https://kkklao.com/wp-content/uploads/2021/07/Screenshot_2021-07-08-18-56-31-52.jpg)
Cr: ບຸນຕຽງ ຈັນທະວົງ.
![](https://kkklao.com/wp-content/uploads/2021/07/Screenshot_2021-07-08-18-56-13-27-1024x760.jpg)
![](https://kkklao.com/wp-content/uploads/2021/07/Screenshot_2021-07-08-18-56-05-46-782x1024.jpg)
Discussion about this post