ລາວ-ຫວຽດນາມ ສືບຕໍ່ການຮ່ວມມືໃນໄລຍະໃໝ່

VNA: ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ ແລະ ຄະນະຜູ້ແທນຂັ້ນສູງພັກ ແລະ ລັດຂອງລາວ

ໄດ້ຢ້ຽມຢາມສັນຖະວະໄມຕີຫວຽດນາມ ຢ່າງເປັນທາງການ ໃນລະຫວ່າງວັນທີ 28 – 29 ມິຖຸນາ 2021 ຊຶ່ງເປັນການເຄື່ອນໄຫວຢ້ຽມຢາມຕ່າງປະເທດເປັນຄັ້ງທຳອິດຂອງທ່ານ ທອງລຸນ ສີສຸລິດພາຍຫລັງດຳລົງຕຳແໜ່ງເປັນເລຂາທິການໃຫຍ່, ປະທານປະເທດແຫ່ງສປປ.ລາວ.

ການຢ້ຽມຢາມຄັ້ງນີ້ເປັນການຢັ້ງຢືນທັດສະນະ, ຫຼັກໝັ້ນຂອງພັກປະຊາຊົນປະຕິວັດລາວ ໃນການສືບຕໍ່ປົກປັກຮັກສາ, ເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ.

ເປັນການປະຕິບັດແນວທາງການຕ່າງປະເທດຢ່າງສະເໝີຕົ້ນສະເໝີປາຍຂອງລາວ ໃນການສືບຕໍ່ປົກປັກຮັກສາ, ເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນມິດຕະພາບລະຫວ່າງ ລາວ ແລະ ຫວຽດນາມ, ກໍຄືສະແດງໃຫ້ເຫັນສາຍພົວພັນແບບພິເສດຂອງ 2 ປະເທດນັບມື້ເລິກເຊິ່ງ.