ສະຫະລັດ ອາເມລິກາ ຍົກລະດັບເຕືອນໄພ ໄປຍີ່ປຸ່ນຂັ້ນສູງສຸດຂປລ.
ຕາມຂ່າວຈາກ ໂຕກຽວ, ວັນທີ 25 ພຶດສະພາ,
ກະຊວງຕ່າງປະເທດ ສ.ອາເມລິກາ ຍົກລະດັບ ຄຳແນະນຳ ການເດີນທາງ ໄປຍີ່ປຸ່ນ
ຂຶ້ນເປັນລະດັບ ສູງສຸດ ຕາມທີ່ສູນ ຄວບຄຸມ ແລະ ປ້ອງກັນພະຍາດ ສ.ອາເມລິກາ (CDC)ລະບຸວ່າ: ຍີ່ປຸ່ນ ມີການຕິດເຊື້ອ ໂຄວິດ-19 ໃນລະດັບ ສູງສຸດ ສະຖານະການ ໃນຍີ່ປຸ່ນ ຂະນະນີ້ ຜູ້ເດີນທາງ ທີ່ສັກວັກຊິນ ຄົບໂດສແລ້ວ ຍັງອາດສ່ຽງຕິດ ແລະ ແຜ່ເຊື້ອໂຄວິດ-19 ດັ່ງນັ້ນ ຄວນຫລີກລ້ຽງ ການເດີນທາງ ໄປຍີ່ປຸ່ນ ທັງໝົດ ຫລັງຈາກ ອັດຕາ ຜູ້ຕິດເຊື້ອໃໝ່ ສະສົມ ໃນຍີ່ປຸ່ນ ສູງກວ່າ100ຄົນ ຕໍ່ປະຊາຊົນ 100.000ຄົນ ແລະ ອັດຕາ ໃນປັດຈຸບັນ 120ຄົນຕໍ່100.000ຄົນ.ຂະນະນີ້ ຍີ່ປຸ່ນ ປະກາດ ຫ້າມຜູ້ຊົມ ຊາວຕ່າງປະເທດ ແລະ ອາສາສະໝັກ ຕ່າງປະເທດ ເດີນທາງມາຊົມ ການແຂ່ງຂັນ ໂອລິມປິກ ແລະ ພາລາ ລິມປິກ ລ້າສຸດ ປະກາດ ກັກຕົວ 3ວັນ
ສຳລັບ ຜູ້ເດີນທາງ ມາຈາກ ອັງກິດ, ດານມາກ,ກາຊັກສະຖານ ແລະ ຕຸຍນີຊີ.ຂະນະດຽວກັນ ຈະຂະຫຍາຍ ເວລາ ກັກຕົວຈາກ 6ວັນເປັນ 10ວັນ ເລີ່ມທ້າຍອາທິດນີ້ ເປັນຕົ້ນໄປ ສຳລັບ ຜູ້ເດີນທາງມາຈາກ ອິນເດຍ,ສີລັງກາ, ເນປານ,ປາກິດສະຖານ,ບັງກລາເທດ ແລະ ມານດິວ./.
ຮຽບຮຽງຂ່າວໂດຍ ສະໄຫວ ລາດປາກດີ
Discussion about this post