ອົງການອະນາໄມໂລກ ໄຂຂໍ້ຂ້ອງໃຈການສັກວັກຊິນຊະນິດຕ່າງກັນ
ຂປລ.ສຳນັກຂ່າວ ເອພີ, ທ່ານ ດຣ ເຄ ໂອໄບຣອັນ,ຫົວໜ້າຝ່າຍ ວັກຊິນ ຂອງອົງການ ອະນາໄມໂລກ(WHO) ໄຂຂໍ້ຂ້ອງໃຈ ກ່ຽວກັບ ການສັກ ວັກຊິນ ປ້ອງກັນ ໂຄວິດ-19ທີ່ຊະນິດ ແຕກຕ່າງກັນ
ເຊິ່ງໄດ້ໃຫ້ ຂໍ້ມູນວ່າ:ວັກຊິນ ປ້ອງກັນໂຄວິດ-19 ທີ່ໄດ້ຮັບ ການອະນຸມັດ ໃຊ້ເພື່ອກໍລະນີ ສຸກເສີນ ທົ່ວໂລກຕອນນີ້ ໄດ້ອອກແບບມາ ເພື່ອກະຕຸ້ນ ພູມຕ້ານ ທານ(antibody) ຂອງມະນຸດ ໃນການຕໍ່ສູ້ ກັບເຊື້ອພະຍາດ ໂຄວິດ-19 ສາຍພັນໃໝ່ ແຕ່ວິທີ ການຜະລິດ ພູມຕ້ານ ທານ ຈະແຕກຕ່າງກັນ ອອກໄປ ຖ້າອີງໃສ່ ພື້ນຖານ ການເຮັດວຽກ ຂອງວັກຊິນ ຄີດວ່າ ໄດ້ຜົນດີ ໃນການປ້ອງກັນ ໂຄວິດ.
ໜ່ວຍງານ ນັກວິທະຍາສາດ ຈາກມະຫາ ວິທະຍາໄລ ອ໋ອກຟອດ ຂອງອັງກິດ ພວມທົດລອງ ການໃຊ້ໂຄວິດ-19 ໃນຮອບແບບ 2ໂດສ ທີ່ແຕກຕ່າງກັນ ໂດຍທົດລອງ ລະຫວ່າງ ວັກຊິນ ຜະລິດໂດຍ ບໍລິສັດ ແອສຕຣາເຊເນກ້າ, ໂມເດີນາ, ໂນວາແວກສ ແລະ ໄຟເຊີ ກັບ ໄບອອນເທັກ ອີກຍັງ ມີການທົດລອງ ແບບດຽວກັນ ໃນກຸ່ມທົດລອງ ຂະໜາດນ້ອຍ ໃນແອັດສະປາຍ ແລະ ເຢຍລະມັນ ເຖິງມີທ່າອຽງວ່າ ມີຄວາມປອດໄພ ແລະ ມີປະສິດທິພາບ ແຕ່ນັກຄົ້ນຄວ້າ ຊາວຕາເວັນຕົກ ຍັງຄົງເກັບກຳ ຂໍ້ມູນ ເພື່ອໃຫ້ຊັດເຈນ ຫລາຍຂຶ້ນ.ສຳລັບ ການສັກວັກຊິນ 2ໂດສ ຊະນິດຕ່າງກັນ ສ່ວນໃຫຍ່ ສ້າງການຕອບສະໜອງ ທາງພູມຕ້ານທານ ທີ່ເຂັ້ມແຂງຍິ່ງຂຶ້ນ./.
ຮຽບຮຽງຂ່າວໂດຍ ສະໄຫວ ລາດປາກດີ
Discussion about this post