⛈️⛈️ເຕືອນແຂວງພາກເໜືອ, ພາກພາກກາງ ເຝົ້າລະວັງຝົນປານກາງ ຫາ ໜັກ ແລະ ທ້າຍອາທິດຝົນຈະຫຼຸດລົງໃນແຕ່ລະພາກ.
![](https://kkklao.com/wp-content/uploads/2021/06/Screenshot_2021-06-07-16-50-01-68-1024x552.jpg)
ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໃນໄລຍະວັນທີ 07 – 12 ມິຖຸນາ 2021:
![](https://kkklao.com/wp-content/uploads/2021/06/Screenshot_2021-06-07-16-49-55-62-1024x554.jpg)
ໃນໄລຍະວັນທີ 07 ຫາ 10 ມິຖຸນານີ້ ຮ່ອງຄວາມກົດດັນອາກາດຕໍ່າຈະພາດຜ່ານພາກເໜືອ ຂອງປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມຢູ່ທຸກພາກຂອງປະເທດລາວ,
![](https://kkklao.com/wp-content/uploads/2021/06/Screenshot_2021-06-07-16-49-48-29-1024x759.jpg)
ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ທົ່ວໄປເປັນບໍລິເວນກ້ວງ ແລະ ຕົກປານກາງ ຫາ ໜັກ ພ້ອມມີລົມພັດແຮງ ເປັນບາງໂອກາດຢູ່ບາງທ້ອງຖິ່ນແຂວງພາກເໜືອ ແລະ ພາກກາງ, ຈາກນັ້ນ ໄລຍະວັນທີ 11 – 13 ມິຖຸນາ 2021 ອາກາດຈະຮ້ອນຂຶ້ນຕື່ມອີກ.
![](https://kkklao.com/wp-content/uploads/2021/06/Screenshot_2021-06-07-16-49-41-31-1024x688.jpg)
ແລະ ສະພາບຝົນໂດຍທົ່ວໄປຈະມີຝົນຕົກຫຼຸດລົງໃນແຕ່ລະພາກ ໂດຍສະເພາະເຂດພາກໃຕ້ຈະມີຝົນຕົກໜ້ອຍ.
ມີຄຳເຕືອນ ເພື່ອເຝົ້າລະວັງ ຝົນຕົກຟ້າຮ້ອງຟ້າເຫຼື້ອມ, ລົມແຮງ ແລະ ດິນເຈື່ອນໃນໄລຍະວັນທີ 7 – 10 ມິຖຸນາ 2021 ເນື່ອງຈາກຮ່ອງຄວາມກົດດັນອາກາດຕໍ່າຈະພາດຜ່ານພາກເໜືອຂອງ
![](https://kkklao.com/wp-content/uploads/2021/06/Screenshot_2021-06-07-16-49-34-51-1024x743.jpg)
ປະເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມຢູ່ທົ່ວທຸກພາກຂອງປະເທດລາວ, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ທົ່ວໄປເປັນບໍລິເວນກ້ວາງ ແລະ ຕົກ ປານກາງ ຫາ ໜັກ ພ້ອມມີລົມພັດແຮງ ເປັນບາງໂອກາດຢູ່ບາງທ້ອງຖິ່ນແຂວງພາກເໜືອ ແລະ ພາກກາງ.
![](https://kkklao.com/wp-content/uploads/2021/06/Screenshot_2021-06-07-16-49-27-00-842x1024.jpg)
ດັ່ງນັ້ນ, ປະຊາຊົນທີ່ອາໄສຢູ່ເຂດດັ່ງກ່າວ ຈົ່ງມີສະຕິລະມັດລະວັງຕໍ່ສະພາບ ຝົນຕົກຟ້າຮ້ອງຟ້າເຫຼື້ອມຕິດຕໍ່ກັນຫຼາຍວັນ ພ້ອມມີລົມພັດແຮງ ທີ່ຈະເຮັດໃຫ້ມີດິນເຈື່ອນເກີດຂຶ້ນໄດ້ຢູ່ບາງທ້ອງຖິ່ນແຂວງພາກເໜືອ.
Discussion about this post