ໂຄວິດມາບໍ່ຕ້ອງຫ່ວງອີກແລ້ວຫຼັງຈາກຕະຫລາດສົດລາວ-ອົດຊີໄດ້ເພີ່ມການບໍລິການສົ່ງຊີ້ນ-ຜັກສິນຄ້າທີ່ຕ້ອງການບໍລິໂພກປະຈຳວັນໃຫ້ຮອດມືລູກຄ້າ ພຽງການກົດສັ່ງທາງອອນລາຍ ປະຈຸບັນສັ່ງໄດ້ຜ່ານສອງຊ່ອງທາງ ແລະກຳລັງພັດທະນາເປັນຕະຫຼາດອອນລາຍທີ່ສົມບູນໃນໄວໆນີ້.
![](https://kkklao.com/wp-content/uploads/2021/05/Screenshot_2021-05-30-07-44-43-99-1024x661.jpg)
![](https://kkklao.com/wp-content/uploads/2021/05/Screenshot_2021-05-30-07-44-31-37-1024x647.jpg)
ຕາມການໃຫ້ສຳພາດຂອງທ່ານ ແອນດຣູ ສີຄຳແພງ ຜູ້ອຳນວຍການຕະຫລາດລາວ-ອົດຊີ ໄດ້ໃຫ້ຮູ້ວ່າ: ຕະຫລາດລາວ-ອົດຊີຂອງພວກເຮົາ ໄດ້ຫຼິງເຫັນຄວາມຈຳເປັນຂອງລູກຄ້າຜູ້ຊົມໃຊ້ໃນຍຸກທີ່ມີການລະບາດຂອງພະຍາດໂຄວິດ-19 ແລະສັງຄົມທີ່ຕ້ອງເຮັດວຽກແຂ່ງກັບເວລາ ຈິ່ງເພີ່ມອີກທາງເລືອກໃຫ້ພໍ່ແມ່ປະຊາຊົນໄດ້ຈັບຈ່າຍຊື້-ຂາຍຊິ້ນ ແລະຜັກສົດຜ່ານຊ່ອງທາງອອນລາຍ ປະຈຸບັນໄດ້ເລີ່ມໃຫ້ບໍລິການແລ້ວມີ 2ຊ່ອງທາງຄື ສັ່ງຊື້ຜ່ານເພຈເຟສບຸກຂອງຕະຫລາດກັບທາງວັອດແອັບ ແລະໄວໆນີ້ຈະມີເວັບໄຊ້ຂອງຕະຫລາດ ມາໃຫ້ພໍ່ແມ່ປະຊາຊົນໄດ້ຈັບຈ່າຍຊື້-ຂາຍຜ່ານມືຖືແບບງ່າຍໆ.
![](https://kkklao.com/wp-content/uploads/2021/05/Screenshot_2021-05-30-07-44-20-46-785x1024.jpg)
![](https://kkklao.com/wp-content/uploads/2021/05/Screenshot_2021-05-30-07-44-07-49-1-799x1024.jpg)
ໂດຍການບໍລິການໃຫມ່ທີ່ວ່ານັ້ນກໍ່ຄືການສົ່ງສິນຄ້າທາງອອນລາຍຕິດພັນກັບການຫລຸດຜ່ອນຄວາມສ່ຽງ ແລະ ການກະຈາຍເຊື້ອພະຍາດໂຄວິດ-19 ໃນນັ້ນທາງຕະຫລາດໄດ້ຈັດສັນພະແນກຫນຶ່ງບໍລິການຈັດຊື້ ຈັດສົ່ງໃຫ້ເຖິງມືລູກຄ້າ ມີຊື່ວ່າ ‘’ລາວ-ອົດຊີ ເດລິເວລີ ເຊີວິດ’’ ເຊື່ອວ່າຈະສາມາດຫລຸດຜ່ອນຄວາມສ່ຽງຂອງຜູ້ມາໃຊ້ບໍລິການ ບໍ່ຈຳເປັນໄປຢູ່ໃນຊຸມຊົນທີ່ແອອັດ ນອກຈາກນີ້ຍັງປະຢັດເວລາ ປະຢັດນໍ້າມັນ ມີແຕ່ລ້າງມືຢ່າງເຮືອນລໍຖ້າແຕ່ງກິນ.
![](https://kkklao.com/wp-content/uploads/2021/05/Screenshot_2021-05-30-07-44-07-49-799x1024.jpg)
![](https://kkklao.com/wp-content/uploads/2021/05/Screenshot_2021-05-30-07-43-58-61-907x1024.jpg)
ກ່ຽວກັບເງື່ອນໄຂໃນການສັ່ງຊື້ ຜ່ານລະບົບອອນລາຍຂອງລາວ-ອົດຊີ ຕ້ອງມີຍອດໃນການສັ່ງຊື້ໃນມູນຄ່າ 200.000 ກີບຂຶ້ນໄປ ແລະ ມີຄ່າບໍລິການໃນການຈັດຊື້ແມ່ນຄິດໄລ່ລາຄາສິນຄ້າຂອງຕະຫລາດປົກກະຕິ ຄ່າບໍລິການຂົນສົ່ງແມ່ນ 1000ກີບຕໍ່ກິໂລ ຫລື ຫົວຫນ່ວຍ ແລະ ຈະມີຄ່າຂົນສົ່ງເລີ່ມຕົ້ນຢູ່ທີ່ 12.000 ກີບ ອັນສໍາຕ້ອງລ່ວງໜ້າ1 ວັນ ທາງຕະຫຼາດຈະປິດອໍເດີ້ ທຸກໆວັນເວລາ 17:30ນາທີ ແລະ ຈັດສົ່ງໃນມື້ຖັດໄປເລີ່ມອອກເດີນທາງແຕ່ 09:00ໂມງເຊົ້າຂອງທຸໆມື້.
![](https://kkklao.com/wp-content/uploads/2021/05/Screenshot_2021-05-30-07-43-49-23-610x1024.jpg)
![](https://kkklao.com/wp-content/uploads/2021/05/Screenshot_2021-05-30-07-43-38-23-620x1024.jpg)
Discussion about this post