ຢູນີເທວສະໜັບສະໜູນວຽກງານ ປ້ອງກັນ, ຄວບຄຸມ ແລະແກ້ໄຂການລະບາດຂອງພະບາດ Covid-19 ຢູ່ ແຂວງຫຼວງພະບາງ ມູນຄ່າ 1 ຕື້ 344 ລ້ານກີບ.

#ຢູນີເທວປະກອບສ່ວນສະໜັບສະໜູນວຽກງານ ປ້ອງກັນ, ຄວບຄຸມ ແລະແກ້ໄຂການລະບາດຂອງພະບາດ Covid-19 ຢູ່ ແຂວງຫຼວງພະບາງ ມູນຄ່າ 1 ຕື້ 344 ລ້ານກີບ.

ໃນຕອນບ່າຍ ຂອງວັນທີ 17 ພຶດສະພາ 2021 ຢູ່ ສູນປະຕິບັດງານ ຄະນະສະເພາະກິດ ປ້ອງກັນ, ຄວບຄຸມ ແລະແກ້ໄຂການລະບາດພະຍາດ ໂຄວິດ-19 ສາຂາ ຢູນີເທວ ປະຈໍາແຂວງຫຼວງພະບາງ ໄດ້ມອບຊິມ ຈໍານວນ 560 ຊີມ, ພ້ອມໃຫ້ນໍາໃຊ້ບໍ່ເສຍຄ່າສໍາລັບດາຕ້າ ( DATA ) ແລະ ໃຫ້ມູນຄ່າໂທນໍາໃຊ້ແຕ່ລະເດືອນ ລວມ 8 ເດືອນ, ເລີ່ມແຕ່ເດືອນ 5-12/2021 ເປັນມູນຄ່າ ທັງໝົດ 1.344.000.000 ກີບ ( 1 ຕື້ 334 ລ້ານກີບ ) ໃຫ້ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະບາດ Covid-19 ຂັ້ນເມືອງ ແລະ ຂັ້ນແຂວງ.ໂດຍການມອບຂອງ ທ່ານ ດາວ ກວງ ງອກ ອຳນວຍການ ສາຂາ ພ້ອມດ້ວຍຄະນະອຳນວຍການສາຂາ ຢູນີເທວ ແລະ ກ່າວຮັບໂດຍ ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ຫົວໜ້າຄະນະສະເພາະກິດ ພ້ອມດ້ວຍຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະບາດ Covid-19 ຂັ້ນແຂວງທີ່ເຂົ້າຮ່ວມ.

ໂອກາດນີ້ ທ່ານ ບຸນເລື່ອມ ມະນີວົງ ຮອງເຈົ້າແຂວງໆ ຫຼວງພະບາງ ຫົວໜ້າຄະນະສະເພາະກິດ ເພື່ອປ້ອງກັນ,ຄວບຄຸມ ແລະ ແກ້ໄຂການລະບາດຂອງພະບາດ Covid-19 ຂັ້ນແຂວງ ໄດ້ສະແດງຄວາມຂອບໃຈ ຕໍ່ການປະກອບສ່ວນສະໜັບສະໜູນ ຊຸກຍູ້ແກ່ວຽກງານການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະບາດ Covid-19 ຢູ່ ແຂວງຫຼວງພະບາງ ທັງນີ້ກໍເພື່ອເຮັດໃຫ້ວຽກງານການຕິດຕໍ່ສື່ສານແຕ່ລະພາກສ່ວນທັນເວລາ ແລະ ໄດ້ຮັບຜົນດີທີ່ສຸດ.