ອິນເດຍຜວາ!! ພົບຮ່າງທີ່ໄຮ້ວິນຍານເກືອບ 100 ສົບ ລອຍເກີຍຝັ່ງແມ່ນ້ຳຄົງຄາ ຄາດເປັນເຫຍື່ອຈາກ ໂ ຄ ວິ ດ – 19

ພົບຮ່າງທີ່ໄຮ້ວິນຍານຫຼາຍສິບສົບ ເຊິ່ງມີຄວາມເປັນໄປໄດ້ວ່າອາດຈະເຖິງ 100 ສົບ ທີ່ລອຍເກີນຕື້ນຕາມຝັ່ງແມ່ນ້ຳຄົງຄາ

ທາງພາກເໜືອຂອງອິນເດຍ ແລະ ເຊື່ວ່າສົບເຫຼົ່ານີ້ເປັນເຫຍື່ອຜູ້ເສຍຊີວິດຈາກໄວຣັດ ໂ ຄ ວິ ດ – 19 ສາຍພັນໃໝ່ທີ່ມີຄວາມຮຸນແຮງທີ່ແຜ່ລະບາດໃນປະເທດອິນເດຍຕອນນີ້ີ.

ພາບຂ່າວຈາກການເປີດເຜີຍຂອງເຈົ້າໜ້າທີ່ ແລະ ສື່ມວນຊົນທ້ອງຖິ່ນເມື່ອວັນຈັນ (10 ພຶສະພາ 2021) ໂ ຄ ວິ ດ – 19 ກຳລັງແຜ່ລະບາດຢ່າງໄວວາໃນພື້ນທີ່ຊົນນະບົດອັນກວ້າງໃຫຍ່ຂອງອິນເດຍ ສົ່ງຜົນໃຫ້ຜູ້ຕິດເຊື້ອລົ້ນລະບົບສາທາລະນະສຸກທ້ອງຖິ່ນ ສ່ວນສຸສານກໍຕ້ອງໄດ້ຈັດເກັບສົບຜູ້ເສຍຊີວິດຂ້າມວັນຂ້າມຄືນ.

ເຈົ້າໜ້າທີ່ທ້ອງຖິ່ນເຜີຍວ່າ: ພົບຮ່າງທີ່ໄຮ້ວິນຍານປະມານ 40 ສົບເກີຍຕື້ນຕາມຝັ່ງແມ່ນ້ຳຄົງຄາ ໃນເຂດວູບຣາ ເປັນເຂດທີ່ຍາກຈົນທີ່ສຸດຂອງອິນເດຍ “ພວກເຮົາສັ່ງໃຫ້ເຈົ້າໜ້າທີ່ທີ່ກ່ຽວຂ້ອງເລັ່ງຈັດການກັບສົົບຜູ້ເສຍຊີວິດທີ່ີ່ຢູ່ຕາມລຽມຝັ່ງແມ່ນ້ຳ ທັງຝັງ ຫຼື ບໍ່ກໍຕ້ອງເຜົາສົບເຫຼົ່ານັ້ນ” ເຈົ້າໜ້າທີ່ກ່າວ.

ພາບຂ່າວ

ພາບຂ່າວຢ່າງໃດກໍຕາມ ສື່ມວນຊົນບາງແຫ່ງລາຍງານວ່າ ຈຳນວນຜູ້ເສຍຊີວິດທີ່ພົບລອຍເກີຍຕິດຕາມແຄມຝັ່ງແມ່ນ້ຳຄົງຄານັ້ນອາດສູງເຖິງ 100 ສົບ ໂດຍລາຍງານຂ່າວຂອງສື່ມວນຊົນອ້າງຄຳສຳພາດຂອງເຈົ້າໜ້າທີ່ຄົນອື່ນທີ່ລະບຸວ່າ ບາງສົບກໍລອຍຢູ່ຕາມແມ່ນ້ຳຫຼາຍວັນແລ້ວ.

ພາບຂ່າວ