ເຫດການນີ້ເຊື່ອວ່າຜູ້ທີ່ໄດ້ພົບເຫັນຕ້ອງອື້ງໄປຕາມໆກັນແນ່ນອນ ເມື່ອເມຍຫຼວງຄົນຈິງ ຈ້າງລົດແມັກໂຄຄັນໃຫຍ່ມາທຸບເຮືອນຫຼັງໃໝ່ຂອງເມຍນ້ອຍຈົນເຫຼືອພຽງຊາກ ເຊິ່ງເຮືອນດັ່ງກ່າວເປັນເຮືອນທີ່ຜົວຕົວດີຫາກໍ່ຊື້ໃຫ້ເມຍນ້ອຍໄດ້ບໍ່ດົນ ເຫດການດັ່ງກ່າວຊາວບ້ານແຖວນັ້ນ ຕ່າງພາກັນງຸນງົງ ແລະ ຕົກໃຈໄປຖ້ວນໜ້າ.
ເຫດການທີ່ແອັດມິນກ່າວມາຂ້າງເທິງແມ່ນເກີດຂຶ້ນຢູ່ປະເທດອິນໂດເນາເຊຍ ໂດຍເວັບໄຊ World of Buzz ເຜີຍວ່າ: ໂລກອອນລາຍໃນອິນໂດເນເຊຍໄດ້ມີກະແສການແຊຄລິບຂອງເຮືອນຫຼັງໜຶ່ງ ທີ່ກໍາລັງຖືກລົດແມັກໂຄທຸບທໍາລາຍຈົນເຫຼືອພຽງຊາກ ທ່າມກາງຊາວບ້ານຈໍານວນຫຼາຍມຸງເບິ່ງເຫດການ ໂດຍມີການເປີດເຜີຍວ່າ ເຮືອນທີ່ຖືກທໍາລາຍຢູ່ນັ້ນເປັນເຮືອນຫຼັງໃໝ່ຂອງແມ່ຍິງຄົນໜຶ່ງ ທີ່ຫາກໍ່ໄດ້ຮັບຈາກຜົວ ສ່ວນຄົນທີ່ສົ່ງລົດມາທຸບເຮືອນຖິ້ມກໍ່ຄືເມຍຄົນທໍາອິດຂອງຊາຍຄົນດັ່ງກ່າວ.
ຂະນະທີ່ຂໍ້ມູນຈາກ: Tribun-Medan.com ເປີດເຜີຍວ່າ: ເຫດດັາງກ່າວເກີດຂຶ້ນໃນບ້ານແຫ່ງໜຶ່ງໃນຈັງຫວັດສຸມາຕຮາເໜືອ ປະເທດອິນໂດເນເຊຍ, ຍິງເຈົ້າຂອງເຮືອນຫຼັງດັ່ງກ່າວໄດ້ຮັບເຮືອນຈາກຜົວ ແລະ ຫາກໍ່ຍ້າຍເຂົ້າມາຢູ່ໄດ້ບໍ່ດົນ. ເຖິງຢ່າງໃດກໍ່ຕາມ ປາກົດວ່າຊາຍຄົນດັ່ງກ່າວມີເມຍຄົນທໍາອິດຢູ່ແລ້ວ ເຊິ່ງລາວອາດເກີດຄວາມຄຽດແຄ້ນ ແລະ ຫຶງຫວງຜູ້ເປັນຜົວ ຈຶ່ງໄດ້ສົ່ງຄົນພ້ອມລົດມາທຸບເຮືອນເມຍນ້ອຍຖິ້ມ.
ດ້ານ ບູດິພານໂຕໂຊ ຫົວໜ້າໝູ່ບ້ານເກີດເຫດ ເປີດເຜີຍວ່າ ສິ່ງທີ່ເກີດຂຶ້ນ ເບິ່ງແລ້ວອາດຈະເປັນບັນຫາພາຍໃນຄອບຄົວ ໂດຍລາວຢືນຢັນວ່າມີເຮືອນໃໝ່ຖືກທໍາລາຍແທ້ ໃນວັນທີ 4 ສິງຫາ 2020 ທີ່ຜ່ານມາ ແລະ ຂະນະເກີດເຫດບໍ່ມີໃຜຢູ່ໃນເຮືອນຫຼັງນັ້ນ.
ຊົມຄລິບ:
Discussion about this post