ຫລາຍພາກສ່ວນ ມອບເຄື່ອງ ແລະ ເງິນຊ່ວຍເຫຼືອ ຕ້ານພະຍາດໂຄວິ ດ ເກືອບ 10 ລ້ານ ໂດລາ

ເພື່ອນຳໃຊ້ເຂົ້າໃນການຕ້ານ ແລະ ສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຢູ່ ສປປ ລາວ.ໃນພິທີຄັ້ງນີ້, ຕາງໜ້າໃຫ້ແກ່ລັດຖະບານ ແຫ່ງ ສປປ ລາວ ຮັບໂດຍ ທ່ານ ພັນຄໍາ ວິພາວັນ ນາຍົກລັດຖະມົນຕີ; ໂດຍມີ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ, ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-1 9 ແລະ ການນໍາຂັ້ນສູງ ຈາກກະຊວງ ແລະ ພາກສ່ວນກ່ຽວຂ້ອງເຂົ້າຮ່ວມ.

ການຊ່ວຍເຫລືອໃນຄັ້ງນີ້, ປະກອບມີ 12 ພາກສ່ວນຄື: ບໍລິສັດພົງຊັບທະວີກໍ່ສ້າງຂົວທາງ, ເຄຫາສະຖານ ແລະ ຊົນລະປະທານ ຈໍາກັດຜູ້ດຽວ ປະກອບສ່ວນຈັດຊື້ວັກແຊງ ກັນພະຍາດໂຄວິດ-19 ຈຳນວນ 80.000 ໂດສ ມູນຄ່າ 2 ລ້ານໂດລາສະຫະລັດ ໃຫ້ແກ່ກຳລັງປ້ອງກັນຄວາມສະຫງົບຂອງ ສປປ ລາວ;

ບໍລິສັດຈະເລີນເຊກອງ ພະລັງງານຈໍາກັດປະກອບສ່ວນຈັດຊື້ວັກແຊງກັນພະຍາດໂຄວິດ-19 ຈຳນວນ 80.000 ໂດສ ມູນຄ່າ 2ລ້ານໂດລາສະຫະລັດ ໃຫ້ແກ່ກະຊວງສຶກສາທິການ ແລະ ກິລາ ເພື່ອສັກໃຫ້ບັນດາຄູ-ອາຈານ ໃນຂອບເຂດທົ່ວປະເທດ; ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າຈໍາກັດຜູ້ດຽວ

ປະກອບສ່ວນຈັດຊື້ວັກແຊງກັນພະຍາດໂຄວິດ-1 9 ຈຳນວນ 80.000 ໂດສ ມູນຄ່າ 2 ລ້ານໂດລາສະຫະລັດ ໃຫ້ແກ່ລັດຖະບານ; ບໍລິສັດ ເອໄອເອັຟ (AIF) ມອບວັກແຊງ ຈໍານວນ 60.000ໂດສ, ມູນຄ່າ 1,5 ລ້ານໂດລາສະຫະລັດ; ບໍລິສັດ PT Sole LTD ມອບເງິນຊ່ວຍເຫລືອ ຈໍານວນ 1,5 ລ້ານໂດລາສະຫະລັດ;

ກຸ່ມບໍລິສັດພອນສັກ ປະກອບສ່ວນຈັດຊື້ວັກແຊງກັນພະຍາດໂຄວິດ-19 ຈຳນວນ 20.000 ໂດສ ມູນຄ່າ 5 ແສນໂດລາສະຫະລັດ ໃຫ້ບັນດາຄູ-ອາຈານ ໃນຂອບເຂດທົ່ວປະເທດ; ລັດວິສາຫະກິດໄຟຟ້າລາວມອບຜ້າປິດປາກ-ດັງຈຳນວນ50.000 ກ່ອງມູນຄ່າ1,3 ຕື້ກີບ; ບໍລິສັດລ້ານຊ້າງມິເນໂຣນສ໌ລິມິເຕັດ ບໍ່ຄຳເຊໂປນມອບເງິນສົດຈໍານວນ1ແສນໂດລາສະຫະລັດ;

ສະມາຄົມນັກທຸລະກິດຍິງ ມອບເງິນສົດ ແລະ ອຸປະກອນຮັບໃຊ້ທາງການແພດ ຈໍານວນ 190 ລ້ານກວ່າກີບ; ບໍລິສັດລາວວີໄອພີພັດທະນາການລົງທຶນ ຈໍາກັດຜູ້ດຽວ ມອບເງິນຊ່ວຍເຫລືອຈໍານວນ 100 ລ້ານກີບ; ບໍລິສັດຈະເລີນຊັບຍິ່ງຈະເລີນ ມອບເງິນຊ່ວຍເຫລືອຈໍານວນ 100 ລ້ານກີບ ແລະ ສະມາຄົມມິດຕະພາບ ລາວ-ຈີນ ມອບຕຽງ ພ້ອມໝອນ ມູນຄ່າ 66 ລ້ານກວ່າກີບ.