ຮືຮາອີກແລ້ວ ສໍາລັບເນັດໄອດໍ້ຊື່ດັງສາວພອນ ສາວສະຫວັນ ທີ່ມີຄົນຕິດຕາມຢູ່ເຟສບຸກສ່ວນຕົວເຖິງ 2ແສນກວ່າຄົນ ເຊິ່ງແນ່ນອນວ່າຕອນນີ້ສາວຄົນນີ້ເປັນທີ່ຮູ້ຈັກໄປທົ່ວປະເທດແລ້ວ.
ຜ່ານມາສາວຄົນນີ້ໄດ້ສ້າງສຽງຫົວມອບຄວາມສຸກຄວາມມ່ວນຊື່ນໃຫ້ກັບຊາວເນັດບໍ່ໜ້ອຍ ດ້ວຍການໄລຟສົດໂອ້ລົມ ຫຼື ຮ້ອງເພງໃຫ້ຟັງ ແລະ ອີກຫຼາຍໆຢ່າງລວມໄປເຖິງການເຮັດຄລິບວີດີໂອຕະຫຼົກຕ່າງໆລົງໂຊຊຽວ.
ຫຼ້າສຸດສາວພອນຄົນງາມມາສ້າງຄວາມຮືຮາໃຫ້ຊາວເນັດອີກຄັ້ງ ເມື່ອຜູ້ກ່ຽວອອກມາໂພສຂໍ້ຄວາມຜ່ານເຟສບຸກສ່ວນຕົວວ່າເຈັບແລ້ວສິຂໍຈໍາຕະຫຼອດໄປສິບໍ່ຂໍຮັກໃຜຕະຫຼອດໄປ ລົດເມຜ່ານມາເປັນພຽງຕົວເລືອກບໍ່ແມ່ນຕົວຈິງຂອງເຂົາມີພຽງນໍ້າຕາ.
ເອີ້ນໄດ້ວ່າເປັນໂພສທີ່ເສົ້າສໍາລັບສາວພອນຫຼາຍ ເຊິ່ງຄວາມໝາຍກໍ່ເດົາໄດ້ບໍ່ຍາກວ່າອາດມີຄົນມາເຮັດໃຫ້ສາວພອນຊໍ້າໃຈຫັກອົກເພິ່ນ ດັ່ງນັ້ນໜຸ່ມໆຄົນໃດຍັງວ່າງຢູ່ຮີບໄປດາມຫົວໃຈໃຫ້ສາວພອນດ່ວນເດີ້.
Discussion about this post