ເປັນເລື່ອງລາວກ່ຽວກັບອາຫານການກິນອີກແລ້ວພີ່ນ້ອງເອີຍ ເມື່ອມີຜູ້ໃຊ້ເຟສບຸກທ່ານໜຶ່ງ ອອກມາໂພສພາບຈານໝີ່ແຫ້ງທີ່ແຖມມາພ້ອມສິ່ງແປກປອມ ທີ່ບອກໄດ້ເລີຍວ່າເຫັນແລ້ວບໍ່ກ້າຈະກິນເລີຍ.
ທັ້ງນີ້, ພາບທີ່ແອັດກ່າວເຖິງຢູ່ຂ້າງເທິງ ເປັນພາບທີ່ຈານໝີ່ແຫ້ງມີວັດຖຸແປກປອມ ຄ້າຍຟອຍເຫຼັກຜັດໝໍ້ ປົນເປມານໍາ ຈາກທີ່ສັ່ງມາດ້ວຍຄວາມຫິວກໍ່ຕ້ອງອີ່ມທັນທີ.
ໂດຍກໍລະນີຜູ້ໃຊ້ເຟສບຸກທ່ານໜຶ່ງ ໂພສເລື່ອງລາວດັ່ງກ່າວໄປນັ້ນ ບໍ່ສາມາດເຮັດຫຍັງໄດ້ ເພາະແວ່ຊື້ໝີ່ແຫ້ງຖ້ວຍນໍາ ນໍາລໍ້ເຂັນຂາຍຕາມແຄມທາງເທົ່ານັ້ນ.
ແນວໃດກໍ່ຕາມ ເຕືອນທຸກຄົນ ໂດຍສະເພາະແມ່ນ ພະນັກງານອອັບຟິດ ຜູ້ໃຊ້ຊີວິດຟ້າວຟັ່ງ ໃຫ້ລະມັດລະວັງອາຫານການກິນ ກ່ອນບໍລິໂພກສິ່ງໃດໃຫ້ກວດສອບເບິ່ງໃຫ້ດີກ່ອນ.
Discussion about this post