ທ່ານ ໂພໄຊ ໄຊຍະສອນ ເຈົ້າແຂວງສາລະວັນ ພ້ອມດ້ວຍຄະນະ ໄດ້ຕ້ອນຮັບການເຂົ້າພົບປະ ຢ້ຽມຢາມຂອງ ທ່ານ ຈ້າວເຫຼີນ ປະທານເສດຖະກິດສາມຫຼ່ຽມທອງຄຳ (ເຂດຊາຍແດນລາວ-ຈີນ) ພ້ອມ ຄະນະໃນໂອກາດມາຢ້ຽມຢາມແຂວງສາລະວັນ ໃນວັນທີ 27 ມີນາຜ່ານມາ.
![](https://kkklao.com/wp-content/uploads/2021/03/Screenshot_2021-03-31-14-17-05-66.jpg)
ການມາຢ້ຽມຢາມແຂວງສາລະວັນຄັ້ງນີ້, ທ່ານ ຈ້າວເຫຼີນ ໄດ້ແຈ້ງເຈດຈຳນົງຕໍ່ທ່ານເຈົ້າແຂວງ ວ່າຢາກມາເບິ່ງຄວາມເປັນໄປໄດ້ ທີ່ຈະລົງທຶນພັດທະນາເດີ່ນບິນຂອງແຂວງ, ລົງທຶນໃສ່ດ້ານກະສິກຳປູກ ຝັງ-ລ້ຽງສັດ ແລະ ດ້ານການທ່ອງທ່ຽວ.
![](https://kkklao.com/wp-content/uploads/2021/03/Screenshot_2021-03-31-14-16-52-50.jpg)
ທ່ານເຈົ້າແຂວງສາລະວັນ ພ້ອມຄະນະກໍໄດ້ນຳພາ ທ່ານ ຈ້າວເຫຼີນ ພ້ອມຄະນະ ໄປເບິ່ງສະ ຖານທີ່ຈະທຳການຜະລິດກະສິກຳ ຢູ່ບ້ານໂຈະ ເມືອງຕະໂອ້ຍ ແຂວງສາລະວັນ ຊຶ່ງເປັນເຂດທີ່ມີເນື້ອທີ່ດິນ ເປົ່າວ່າງ ກວ້າງຂວາງ ເໝາະແກ່ການລົງທຶນທໍາການຜະລິດກະສິກຳປູກຝັງ-ລ້ຽງສັດ ແລະ ດ້ານການ ທ່ອງທ່ຽວ.
ຈາກນັ້ນ, ກໍໄດ້ໄປຢ້ຽມຢາມເບິ່ງເຂດເຊື່ອມຕໍ່ລະຫວ່າງຊາຍແດນລະໄລ ເມືອງສະໝ້ວຍ ແຂວງສາລະວັນ ຊາຍແດນລາວ – ຫວຽດນາມ, ທີ່ມີຄວາມເປັນໄປໄດ້ທີ່ຈະເປັນເສັ້ນທາງເພື່ອຈະດຶງດູດ ການທ່ອງທ່ຽວ, ຂະບວນການຊື້-ຂາຍສິນຄ້າ ແລະ ເປັນເສັ້ນທາງລຳລຽງຂົນສົ່ງສິນຄ້າ.
(ພາບ-ຂ່າວ: ສິດຕາ ເພັດວົງສາ)
Discussion about this post