ອົງການກວດກາແຫ່ງລັດ ກວດພົບຄວາມເສຍຫາຍກ່ວາ 5.000 ຕື້ກີບ ຈາກການສໍ້ລາດບັງຫຼວງ

ຕາມຂ່າວສານ ຂປລ. ໃນວາລະດຳເນີນກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ IX ໃນວັນທີ 25 ມີນາ 2021 ໂດຍການເປັນປະທານຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ

ທ່ານ ຄຳພັນ ພົມມະທັດ ປະທານອົງການກວດກາແຫ່ງລັດ ໄດ້ຂຶ້ນລາຍງານໃຫ້ຮູ້ກ່ຽວກັບການຈັດຕັ້ງປະຕິບັດແຜນການເຄື່ອນໄຫວວຽກງານ 5 ປີ (2016-2020) ແລະ ທິດທາງແຜນ ການເຄື່ອນໄຫວວຽກງານ 5 ປີ (2021-2025) ຂອງອົງການກວດກາແຫ່ງລັດ.ທ່ານ ຄຳພັນ ພົມມະທັດ ໄດ້ລາຍງານໃຫ້ຮູ້ວ່າ:

ໃນໄລຍະ 5 ປີ ຜ່ານມາ ອົງການກວດກາແຫ່ງລັດ ໄດ້ເອົາໃຈໃສ່ຈັດຕັ້ງປະຕິບັດ ພາລະບົດບາດ, ສິດ ແລະ ໜ້າທີ່ຂອງຕົນ ມີຜົນງານພົ້ນເດັ່ນຫລາຍດ້ານ ໄດ້ຕິດຕາມກວດກາການປະຕິບັດພາລະບົດບາດ ສິດ ແລະ ໜ້າທີ່, ການປະຕິບັດກົດ ໝາຍ

ຂໍ້ກໍານົດ, ຄໍາສັ່ງ, ການປະຕິບັດແຜນງົບປະມານ, ແຜນການລົງທຶນກໍ່ສ້າງພື້ນຖານໂຄງລ່າງ, ການຄຸ້ມຄອງ-ນຳໃຊ້ຊັບສິນຂອງລັດ, ເຊິ່ງໃນໄລຍະ 5 ປີຜ່ານມາ ສາມາດກວດກາໄດ້ທັງໝົດ 4.129 ເປົ້າໝາຍ,ໃນນັ້ນຕິດຕາມກວດກາປົກກະຕິ 1.435 ເປົ້າໝາຍ

ກວດກາຕາມຄຳສັ່ງ 1.014 ເປົ້າ ໝາຍ, ກວດກາໂຄງການລົງທຶນຂອງລັດເລີ່ມແຕ່ຫົວທີ 535 ເປົ້າໝາຍ ແລະ ກວດກາຕາມຜົນການກວດສອບ 1.145 ເປົ້າໝາຍ, ໄດ້ເກັບກໍາ ແລະ ໄລ່ລຽງມູນຄ່າການລົງທຶນຂອງລັດ ຈໍານວນ 4.601 ໂຄງການ.

ໃນນີ້, ກວດກາສໍາເລັດ 692 ໂຄງການ, ກວດເຫັນຜົນເສຍຫາຍ 5.689,12 ຕື້ກວ່າກີບ, 31,77 ລ້ານໂດລາສະຫະລັດ ແລະ 38,89 ລ້າ

ພ້ອມນັ້ນກວດກາການຈັດຕັ້ງປະຕິບັດຄໍາສັ່ງ ເລກທີ 15/ນຍ ພົບເຫັນຜູ້ລະເມີດກົດ ໝາຍ 1.119 ຄົນ, ໃນນີ້, ມີພະນັກງານລັດ 127 ຄົນ, ຜູ້ປະກອບການ 246 ຄົນ, ປະຊາຊົນ 746 ຄົນ, ໄດ້ຮັັບຄໍາຮ້ອງຄໍາສະເໜີ 4.817 ສະບັບ, ແກ້ໄຂ 1.524 ສະບັບ,ທັງໝົດນັ້ນ

ເປັນການປະ ກອບສ່ວນສຳຄັນໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍ ເຮັດໃຫ້ບັນດາປະ ກົດການຫຍໍ້ທໍ້ໃນກົງຈັກລັດ ໄດ້ຮັບການແກ້ໄຂໃຫ້ຫລຸດໜ້ອຍຖອຍລົງເທື່ອລະກ້າວ.

ພາບ: ຂັນໄຊ

ຂ່າວ: ທະນູທອງ