ອີງຕາມການລາຍງານ ຈາກໜັງສືພິມວຽງຈັນທາມ ໃຫ້ຮູ້ວ່າ ປັດຈຸບັນນີ້, ທົ່ວໂລກຍັງມີການລາຍງານການລະບາດຂອງພະຍາດໂຄວິດ-19 ທັງໝົດ 219 (ປະເທດ/ເຂດ), ຜູ້ຕິດເຊື້ອສະສົມຫຼາຍກວ່າ 121 ລ້ານຄົນ, ເສຍຊີວິດຫຼາຍກວ່າ 2,6 ລ້ານຄົນ ແລະ ປິ່ນປົວຫາຍດີຫຼາຍກວ່າ 98 ລ້ານຄົນ, ຍັງມີລາຍງານຜູ້ຕິດເຊື້ອ ແລະ ຜູ້ເສຍຊີວິດ
![](https://kkklao.com/wp-content/uploads/2021/03/fb_img_1581593466428322956522166136611-1024x768.jpg)
ໃໝ່ ແຕ່ມີທ່າອ່ຽງຫຼຸດລົງ ຖ້າທຽບໃສ່ປີ 2020. ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ເມື່ອວັນທີ 18 ມີນາ 2021 ວ່າ: 10 ປະເທດອາຊຽນ ຍັງມີແຕ່ປະເທດລາວ ແລະ ກໍາປູເຈຍ ທີ່ບໍ່ມີຜູ້ເສຍຊີວິດຈາກພະຍາດໂຄວິດ-19, ສະເພາະການປິ່ນປົວຜູ້ຕິດເຊື້ອພະຍາດໂຄວິດ-19 ຢູ່ລາວ
![](https://kkklao.com/wp-content/uploads/2021/03/Screenshot_20210322_085929-1024x684.jpg)
ມາຮອດປັັດຈຸບັນມີພຽງ 4 ຄົນທີ່ຍັງນອນປິ່ນປົວຢູ່ໂຮງໝໍ, ໃນນີ້ 3 ຄົນ ຢູ່ໂຮງໝໍມິດຕະພາບນະຄອນຫຼວງວຽງຈັນ ແລະ ອີກ 1 ຄົນຕິດຕາມປິ່ນປົວ ຢູ່ໂຮງໝໍແຂວງສະຫວັນນະເຂດ.ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແຈ້ງໃຫ້ຮູ້ຕື່ມອີກວ່າ: ທົ່ວປະເທດມີສູນຈໍາກັດບໍລິເວນທີ່ເປີດນຳ
![](https://kkklao.com/wp-content/uploads/2021/03/Screenshot_20210322_085921-1024x567.jpg)
ໃຊ້ທັງໝົດ 34 ສູນ, ມີຜູ້ຖືກຈຳກັດບໍລິເວນຢູ່ສູນ 3.441 ຄົນ, ສັງລວມແລ້ວການກວດວິເຄາະຫາເຊື້ອພະຍາດໂຄວິດ-19 ນັບແຕ່ ເດືອນມັງກອນ 2020 ຮອດປັດຈຸບັນ ໄດ້ເກັບຕົວຢ່າງມາກວດທັງໝົດ 124.069 ຕົວຢ່າງ, ກວດພົບເຊື້ອສະສົມ ຫຼື ຜູ້ຕິດເຊື້ອພະຍາດໂຄວິດ-19 ຈໍານວນ 49 ຄົນ.
![](https://kkklao.com/wp-content/uploads/2021/03/Screenshot_20210106_162752-3-1024x587.jpg)
Discussion about this post