ແຈ້ງການດ່ວນເມືອງ ທ່າໂທມ ສັ່ງຫ້າມເຂົ້າຫາກິນຢູ່ປ່າ ແຕ່ວັນທີ 15-30 ມີນາ 2021

ຫ້ອງວ່າການເມືອງທ່າໂທມ ແຂວງໄຊສົມບູນ ຂໍຖືເປັນກຽດແຈ້ງການມາຍັງ ບັນດາທ່ານພະນັກງານ, ຫົວຫນ້າຫ້ອງການ, ຫນ່ວຍບໍລິການ, ລັດວິສະຫະກົດ, ອົງການປົກຄອງບ້ານ 26 ບ້ານ ແລະ ປະຊາຊົນໃນທົ່ວເມືອງທ່າໂທມ ຮັບຊາບວ່າ: ຫ້າມບຸກຄົນໃດ ຫຼື ປະຊາຊົນຜູ້ໃດເຂົ້າໄປຊອກຢູ່ຫາກິນ ຫຼື ເຂົ້າໄປທໍາການຜະລິດຢູ່ໃນຂອບເຂດ

ຈຸດຫວ່າງຄານຫຼັງຜາຕຸງ ຈົນເຖິງບໍລິເວນທົ່ງຫ້ວຍຫົກ, ທົ່ງລ່າງ, ທົ່ງຂີ້ມົດຈົນຮອດສົບແຈ ບໍ່ວ່າແຕ່ກໍລະນີໃດໆກໍ່ຕາມ ນັບຕັ້ງແຕ່ມື້ໄດ້ຮັບແຈ້ງການ ຈົນເຖິງວັນທີ 30 ມີນາ 2021, ເນື່ອງຈາກວ່າທາງກອງບັນຊາການທະຫານແຂວງໄຊສົມບູນ ແລະ ກອງບັນຊາການທະຫານເມືອງທ່າໂທມ ຈະມີການເຄື່ອນໄຫວລາດຕະເວນ ແລະ ຊ້ອມຮົບຢູ່

ຂອບເຂດບໍລິເວນດັ່ງກ່າວສະນັ້ນ, ຈຶ່ງຂໍແຈ້ງໃຫ້ບັນດາທ່ານຫົວຫນ້າຫ້ອງການ, ຫນ່ວຍບໍລິການ, ລັດວິສະຫະກິດ ແລະ ອົງການປົກຄອງບ້ານ 26 ບ້ານແຈ້ງໃຫ້ພະນັກງານຂອງຕົນ ແລະ ປະຊາຊົນພາຍໃນບ້ານຂອງຕົນ ໃຫ້ຮັບຊາບ ແລະ ຂໍຄວາມຮ່ວມມືເປັນເຈົ້າການໃນການຈັດຕັ້ງປະຕິບັດແທ້ໆ, ຖ້າຫາກກໍລະນີ ມີຜູ້ຝ່າຝືນເຂົ້າໄປໃນຂອດເຂດດັ່ງກ່າວ ມີຫຍັງເກີດຂຶ້ນ ທາງການຈັດຕັ້ງຂອງເມືອງຈະບໍ່ຮັບຜິດຊອບໃດໆທັງສິ້ນ