ອົດສະຕາລີ ປະເຊີນກັບການຂາດແຄນພະນັກງານເຮັດຄວາມສະອາດ. ດັ່ງນັ້ນ, ບໍລິສັດຕ່າງໆ ຕ້ອງປັບຄ່າຈ້າງຂຶ້ນ ເພື່ອດຶງດູດຄົນເຂົ້າມາສະໝັກວຽກ ເຖິງເປັນພະນັກງານໃຫມ່ບໍ່ມີປະສົບການກໍສາມາດເຮັດໄດ້ ແລະຍັງໄດ້ຄ່າຈ້າງທີ່ສູງ. ອາຊີບທຳຄວາມສະອາດໃນ ອົດສະຕາລີອາດມີລາຍໄດ້ສູງເຖິງ 124,800 ໂດລາອົດສະຕາລີຕໍ່ປີ.
![](https://kkklao.com/wp-content/uploads/2022/07/6-1-1024x683.jpg)
ທ່ານ ນາງ Joy Wess, ກຳມະການຜູ້ຈັດການຂອງບໍລິສັດເຮັດຄວາມສະອາດ Absolute Domestics ທີ່ Sydney, ກ່າວວ່າ: ບໍລິສັດໄດ້ຖືກກົດດັນໃຫ້ເພີ່ມຄ່າຈ້າງເພື່ອດຶງດູດພະນັກງານ ໃນປັດຈຸບັນແມ່ນ 45 ໂດລາຕໍ່ຊົ່ວໂມງ. (ປະມານ 496,000 ກີບ) ຫມາຍຄວາມວ່າ ຜູ້ເຮັດຄວາມສະອາດທີ່ເຮັດວຽກ 8 ຊົ່ວໂມງຕໍ່ມື້ສໍາລັບ 5 ມື້ຕໍ່ອາທິດ. ຈະໄດ້ຮັບສູງເຖິງປີລະ 93,600 ໂດລາ.
![](https://kkklao.com/wp-content/uploads/2022/07/9-2.jpg)
ບັນຫາການຂາດແຄນພະນັກງານມີມາແຕ່ກາງປີ 2021, ທ່ານເຜີຍວ່າມາຮອດປັດຈຸບັນກໍຍັງບໍ່ສາມາດຊອກຫາພະນັກງານໄດ້ພຽງພໍສໍາລັບທຸລະກິດຂອງບໍລິສັດ.
![](https://kkklao.com/wp-content/uploads/2022/07/66-2.jpg)
ທີ່ມາ: Smart SME
Discussion about this post