ເຈົ້າຫນ້າທີ່ ປກສ ເມືອງນາຊາຍທອງ ນະຄອນຫລວງວຽງຈັນ ໄດ້ລົງເກັບກຳຂໍ້ມູນ ຫລັກຖານ ແລະ ພິສູດຮອຍນີ້ວມື ຈິ່ງຮູ້ວ່າ ກຳມະກອນເຮັດວຽກຢູ່ເຮືອນ ເປັນຜູ້ລັກຄຳ 11 ບາດ.
![](https://kkklao.com/wp-content/uploads/2022/07/FB_IMG_1657276335706-1.jpg)
ພັທ ບຸນມີ ກັນຕິຍະວົງ ຮອງຫົວໜ້າກອງບັນຊາການ ປກສ ເມືອງນາຊາຍທອງ ໃຫ້ຮູ້ວ່າ: ທ້າວ ເຄືອຄໍາ ອາຍຸ 29 ປີ, ຄ້າຂາຍ ຢູ່ບ້ານໄຊມຸງຄຸນ ເມືອງນາຊາຍທອງ ຜູ້ຖືກເສຍຫາຍ ເຂົ້າມາ ກອງບັນຊາການ ແລະ ແຈ້ງຄວາມວ່າ ໃນວັນທີ 22 ມິຖຸນາ 2022 ຄຳຮູບປະພັນ ຈໍານວນ 11 ບາດຢູ່ຫ້ອງນອນ ຖືກຄົນຮ້າຍລັກໄປ;
![](https://kkklao.com/wp-content/uploads/2022/07/FB_IMG_1657276337428-1.jpg)
ຈາກນັ້ນ ເຈົ້າຫນ້າທີ່ລົງກວດກາສະຖານທີ່ເກີດເຫດ ພິສູດຮ່ອງຮອຍນິ້ວມື ຈຶ່ງສາມາດເຊື່ອມໂຍງຫາຜູ້ກໍ່ເຫດໄດ້.
ຕົກມາຮອດວັນທີ 30 ມິຖຸນາ 2022 ຈິ່ງຄວບຄຸມຕົວທ້າວ ອຸບົນ ອາຍຸ 32 ປີ ກຳມະກອນຢູ່ເຮືອນ ຜູ້ຖືກສົງໄສມາສືບສວນ ແລະ ຜູ້ກ່ຽວຮັບສາລະພາບວ່າ ໄດ້ເປັນຄົນລົງມືລັກຄຳ ຢຸ່ທີ່ຫ້ອງນອນຂອງຜູ້ເສຍຫາຍແທ້, ພາຍຫລັງລັກໄດ້ແລ້ວ ໄດ້ຕິດຕໍ່ຫາ ພໍ່ ຊື່ທ້າວ ທອງລື ມາຮັບເອົາຄໍາທີ່ໄປຊຸກເຊື່ອງໄວ້, ຕໍ່ມາເຈົ້າຫນ້າທີ່ຈຶ່ງຄວບຄຸມຕົວຜຸ້ເປັນພໍ່ ແລະ ນຳຫາຂອງກາງ ເຊິ່ງຜູ້ກ່ຽວເອົາໄປຝັງດິນໄວ້ຢູ່ຂ້າງເຮືອນ.
![](https://kkklao.com/wp-content/uploads/2022/07/FB_IMG_1657276339152-1.jpg)
ພາຍຫລັງເກັບກູ້ ເຄື່ອງຂອງກາງ ຈິ່ງໄດ້ຈັດພິທີສົ່ງມອບຄຳ 11 ບາດ ໃຫ້ແກ່ຜູ້ເປັນເຈົ້າຂອງ ແລະ ດຳເນີນຄະດີຕໍ່ຜູ້ຖືກຫາ.
Discussion about this post