ປັດໄຈທີ່ພາໃຫ້ເກີດມີອຸບັດຕິເຫດເທິງທາງດ່ວນມີຫຍັງແດ່?

ສາເຫດການເກີດອຸບັດຕິເຫດແມ່ນປາສະຈາກປັດໄຈ 3 ຢ່າງນີ້ບໍ່ໄດ້ ກໍຄື ຄົນ, ລົດ ແລະ ຫົນທາງ.

1. ປັດໄຈຈາກຄົນ
ຄົນໃນນີ້ແມ່ນໝາຍເຖິງ ຜູ້ຂັບລົດ, ຜູ້ຍ່າງຕາມທາງ ແລະ ຜູ້ຂີ່ລົດ, ຜູ້ທີ່ມີການເຄື່ອນໄຫວໃນທາງຈາລະຈອນ. ຄົນແມ່ນປັດໄຈສຳຄັນທີ່ສຸດທີ່ພາໃຫ້ເກີດອຸບັດຕິເຫດ, ອີງຕາມສະຖິຕິທັງພາຍໃນ ແລະ ຕ່າງປະເທດສະແດງໃຫ້ເຫັນວ່າ,ອຸບັດຕິເຫດ ທີ່ເກີດຂຶ້ນຫຼາຍກວ່າ 70% ແມ່ນມີສາເຫດຍ້ອນ ຄົນ, ຍິ່ງໄປກວ່ານັ້ນ ອຸບັດຕິເຫດເທິງທາງດ່ວນທີ່ເກີດຂຶ້ນຍ້ອນຄົນກວມເອົາຫຼາຍກວ່າ 95%.

ໃນນັ້ນເນື່ອງມາຈາກສາເຫດທີ່ຜູ້ຂັບລົດເຂົ້າໃຈຜິດ, ບໍ່ລະມັດລະວັງ ແລະ ຂັບລົດຜິດກົດ ຈາລະຈອນ ແລະ ສາເຫດອື່ນໆ. ອີງຕາມສະຖິຕິ ອຸບັດຕິເຫດ 80% ແມ່ນຍ້ອນຜູ້ຂັບລົດເຮັດຜິດກົດລະບຽບຈາລະຈອນ 4 ກໍລະນີເປັນຕົ້ນຕໍ ຄື: ຂັບລົດໄວເກີນກຳນົດ, ກິນເຫຼົ້າແລ້ວຂັບລົດ, ບັນທຸກເກີນນ້ຳໜັກ ແລະ ຄົນຂັບອິດເມື່ອຍ..

2. ປັດໄຈຈາກລົດ
ອີງຕາມສະຖິຕິທັງພາຍໃນ ແລະ ຕ່າງປະເທດສະແດງໃຫ້ເຫັນວ່າ, ສາເຫດການ ເກີດອຸບັດຕິເຫດທີ່ມີປັດໄຈມາຈາກລົດນັ້ນ , ໃນປະເທດພັດທະນາກວມເອົາ 5%, ສ່ວນໃນປະເທດດ້ອຍພັດທະນາກວມເອົາ 10%. ປັດໄຈທີ່ສ້າງຜົນກະທົບດ້ານຄວາມປອດໄພມີຄື ພວງມະໄລ, ເບກ, ລໍ້ລົດ ແລະ ຢາງລົດ, ແສງໄຟ, ແກລົດ ແລະ ອາໄຫຼ່ອື່ນໆ.

3. ປັດໄຈທີ່ມາຈາກຫົນທາງ ຫົນທາງແມ່ນປັດໄຈທີ່ຂາດບໍ່ໄດ້ໃນການຮັບປະກັນຄວາມປອດໄພຂອງການສັນຈອນ , ໂຄງລ່າງ ຂອງຫົນທາງນັ້ນເໝາະສົມໃນການນຳໃຊ້ຕົວຈິງ ຫຼື ຖືກຕາມວິທະຍາສາດຫຼືບໍ່ນັ້ນ , ກໍໄດ້ ສົ່ງຜົນສະທ້ອນໃຫ້ແກ່ຄວາມປອດໄພຂອງການຈາລະຈອນທັງທາງກົງ ແລະທາງອ້ອມ, ຍິ່ງໄປກວ່ານັ້ນແມ່ນພາໃຫ້ເກີດອຸປະຕິເຫດ.

ຕາມສະຖິຕິຂອງຈີນ ສະແດງໃຫ້ເຫັນວ່າ, ອຸບັດຕິເຫດທີ່ເກີດຂຶ້ນໂດຍກົງຈາກປັດໄຈເສັ້ນທາງກວມເອົາ 10%, ແລະ ມີອຸບັດຕິເຫດຈຳນວນຫຼາຍທີ່ກ່ຽວຂ້ອງກັບປັດໄຈທາງອ້ອມ, ເຊິ່ງປັດໄຈຂອງທາງລວມມີ: ເງື່ອນໄຂຂອງຫົນທາງ ແລະ ສະພາບແວດລ້ອມຂອງຫົນທາງ.

“ພວກເຮົາສາມາດຫຼີກລ່ຽງອຸບັດຕິເຫດໄດ້,
ເອົາຄວາມປອດໄພມາໄວ້ເປັນສິ່ງທຳອິດ,
ກັບຮອດເຮືອນຊ້ານາທີໜຶ່ງ, ດີກວ່າບໍ່ມີໂອກາດກັບບ້ານຕະຫຼອດຊີວິດ”