ການເດີນທາງໄປສຳຫຼວດກວດເບິ່ງຄວາມທຸກຍາກທີ່ແທ້ຈິງຢູ່ເມືອງຟູ້ຜິງແຂວງເຮີເປີຍ
ຢູ່ບ້ານລົ້ວໂຖວານເມືອງຟູ້ຜິງແຂວງເຮີເປີຍ, ລຸງຖັງຢົງປິ່ນ ຊາວບ້ານຜູ້ທຸກຍາກທີ່ເຄີຍພົບເຫັນເຈົ້າໜ້າທີ່ລະດັບສູງສຸດກໍ່ພຽງແຕ່ແມ່ນທ່ານຕາແສງ. ມື້ນັ້ນ, ເລຂາໜ່ວຍພັກບ້ານໄດ້ມາຫາລຸງຖັງຢົງປິ່ນ ແລະບອກວ່າ: ຂັ້ນເທິງຈະພາເຈົ້າໜ້າທີ່ມາສຳຫຼວດກວດກາ, ແຕ່ບໍ່ໄດ້ບອກລາວວ່າແມ່ນໃຜຈະມາ, ລາວເອງບໍ່ເຄີຍຄິດມາກ່ອນວ່າ: ເຈົ້າໜ້າທີ່ທ່ານນີ້ແມ່ນທ່ານສີຈິ້ນຜິງ ປະທານປະເທດຈີນ.
ລຸງຖັງຢົງປິ່ນໄດ້ຈັບມືກັບທ່ານສີຈິ້ນຜິງ, ລາວຕື່ນເຕັ້ນຫຼາຍຈົນລືມຄວາມເວົ້າທີ່ໄດ້ກຽມໄວ້ໝົດຄືນ. ທ່ານປະທານສີຈິ້ນຜິງເວົ້າວ່າ: ເປົ້າໝາຍຂອງການເດີນທາງມາສຳຫຼວດກວດກາຄັ້ງນີ້ ແມ່ນສຳຫຼວດກວດເບິ່ງສະພາບຄວາມເປັນຈິງກ່ຽວກັບຄວາມທຸກຍາກ. ບໍ່ວ່າໄລຍະທາງຈະໄກປານໃດ, ສະພາບຄວາມທຸກຍາກຈະລຳບາກຊ່ຳໃດ, ກໍຕ້ອງສູ້ຊົນໃຫ້ບັນລຸເປົ້າໝາຍນີ້.
“ໃນຄອບຄົວມີຈັກຄົນ? ອ້າຍເອື້ອຍນ້ອງມີຈັກຄົນ? ມີດິນນາຫຼາຍເທົ່າໃດ? ມີລາຍຮັບຫຼາຍປານໃດ? ການປິ່ນປົວພະຍາດສຳລັບໂຄງການຮ່ວມມືຊົນນະບົດເດເປັນແນວໃດ……” ທ່ານປະທານສີຈິ້ນຜິງຖາມຢ່າງລະອຽດທີ່ສຸດ.
ທ່ານປະທານສີຈິ້ນຜິງກ່າວຕໍ່ພະນັກງານທ້ອງຖິ່ນວ່າ: “ການເດີນທາງມາຢ້ຽມຢາມພໍ່ແມ່ປະຊາຊົນ ກໍແມ່ນເພື່ອຮັບຮູ້ສະພາບຄວາມເປັນຈິງກ່ຽວກັບຄວາມທຸກຍາກໃນປັດຈຸບັນຂອງປະເທດເຮົາ. ພວກສະຫາຍຄວນໃຫ້ຂ້າພະເຈົ້າໄດ້ເຫັນສະພາບຕົວຈິງ, ບໍ່ຄວນໃຫ້ຂ້າພະເຈົ້າເຫັນສະພາບທີ່ຈອມປອມ. ເຖິງວ່າຂ້າພະເຈົ້າເດີນທາງໄກແດ່ກໍຕາມ, ບໍ່ເຫັນຫຼາຍບ່ອນກໍ່ຕາມ, ຂໍແຕ່ວ່າແມ່ນຄວາມຈິງ ກໍຖືວ່າຄຸ້ມຄ່າແລ້ວ.”
Discussion about this post