ວັນທີ 27 ເມສາ 2022 ນີ້ ທີ່ພະແນກການເງິນແຂວງ, ໄດ້ຈັດພິທີມອບ-ຮັບຢ່າງເປັນທາງການ ໂດຍການກ່າວມອບຂອງທ່ານ ທູນໄຊ ເມກດາວົງ ຮອງຫົວໜ້າພະແນກການເງິນ ແຂວງອັດຕະປື ແລະ ຕ່າງໜ້າກ່າວຮັບໂດຍແມ່ນທ່ານ ຖາວອນ ສຸກດາວົງ ອໍານວຍການໂຮງຮຽນເຕັກນິກວິຊາຊີບແບບປະສົມແຂວງ ໂດຍຊ້ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມ.
![](https://kkklao.com/wp-content/uploads/2022/04/FB_IMG_1651074917535-1024x576.jpg)
ການມອບ-ຮັບລົດຈັກຄັ້ງນີ້ແມ່ນປະຕິບັດຕາມຂໍ້ຕົກລົງ ວ່າດ້ວຍ ມອບ-ຮັບລົດຈັກ ໃຫ້ບຸກຄົນ ທີ່ສານໄດ້ຕັດສິນຮິບເປັນຂອງລັດ,ທີ່ມີການເປ່ເພ ເປັນໂຄງເຫຼັກເສດ ແລະ ອີງຕາມກົດໝາຍ ວ່າດ້ວຍຊັບສິນຂອງລັດ, ດັ່ງນັ້ນພະແນກການເງິນແຂວງອັດຕະປື ຈຶ່ງໄດ້ເຫັນດີມອບລົດຈັກ ທີ່ເປ່ເພໃຊ້ບໍ່ໄດ້ເປັນເຫຼັກເສດໃຫ້ ໂຮງຮຽນເຕັກນິກວິຊາຊີບແບບປະສົມ ແຂວງອັດຕະປື ຈຳນວນ 17 ຄັນ ແລະ ມອບໃຫ້ສູນພັດທະນາສີມືແຮງງານຈໍານວນ 10 ຄັນ.
![](https://kkklao.com/wp-content/uploads/2022/04/FB_IMG_1651074872336-1024x671.jpg)
ເພື່ອໃຫ້ໂຮງຮຽນເຕັກນິກວິຊາຊີບ ແລະ ສູນພັດທະນາສີມືແຮງງານຂອງແຂວງ ນໍາໄປໝູນໃຊ້ເຂົ້າໃນການຮຽນ-ການສອນຂອງນັກສຶກສາ ແລະ ຜູ້ທີ່ເຂົ້າມາເຝີກອົບຮົມດ້ານສີມືແຮງງານຢູ່ສູນພັດທະນາສີມືແຮງງານຂອງແຂວງ,
![](https://kkklao.com/wp-content/uploads/2022/04/FB_IMG_1651074870525-1024x686.jpg)
ທັງນີ້ກໍເພື່ອເປັນການສົ່ງເສີມ ແລະ ສ້າງຊັບພະຍາກອນມະນຸດ ໃຫ້ມີຄຸນນະພາບ ລວມທັງເປັນການສ້າງວຽກເຮັດງານທໍາໃຫ້ຊາວໜຸ່ມ-ໄວໜຸ່ມ ພາຍໃນແຂວງອັດຕະປື ມີວິຊາຊີບທີ່ໝັ້ນຄົງ ແລະ ສ້າງລາຍຮັບແກ້ໄຂຄວາມທຸກຍາກ .
ຂ່າວ: ໄຊຈະເລີນ, ລາວພັດທະນາ
Discussion about this post