ເມື່ອວັນທີ່ 6 ເດືອນ ຕຸລາ ປີ 2020 ເດລີເມລ ລາຍງານເລື່ອງລາວຂອງ ນາງສາວ ມາຊີ ຄຣຸຣິນ ຄົນປະເທດອາເມລິກາ ທີ່ມີຄວາມສູງເຖີງ 208 ຊັງຕີແມັດ ອາຍຸໄດ້ພຽງ 17 ປີ ຈາກເມືອງ ຊີດາພາກ ລັດເທັກຊັສ ເຈົ້າຂອງຂາຍາວທີ່ສຸດໃນໂລກຂອງ Guinness World Records ທີ່ມີຄວາມຍາວຂອງຂາເບື້ອງຊ້າຍ 135 ຊັງຕີແມັດ ແລະ ຂາເບື້ອງຂວາຍາວ 134 ຊັງຕີແມັດ
![](https://kkklao.com/wp-content/uploads/2020/10/WhatsApp-Image-2020-10-07-at-20.05.23-690x1024.jpeg)
ທຸບສະຖິຕິແຊັມເກົ່າປີ 2018 ຢ່າງ ເອຄາເທີຣິນ່າ ໄລຊິນ່າ ນາງແບບສາວລັດເຊຍ ອາດີດນັກບາສດາວລຸ້ງ ອາຍຸ 32 ປີ ທີມີຄວາມຍາວຂາເບື້ອງຊ້າຍ 132,8 ຊັງຕີແມັດ ແລະ ເບື້ອງຂວາ 132,2 ຊັງຕີແມັດ
![](https://kkklao.com/wp-content/uploads/2020/10/WhatsApp-Image-2020-10-07-at-20.05.24.jpeg)
ລາຍງານລະບຸວ່າ:ມາຊີ ເກີດໃນຄອບຄົວທີ່ເປັນຄົນສູງໝົດທຸກຄົນ ໂດຍພໍ່ຂອງລາວມີຄວາມສູງ 195,5 ຊັງຕີແມັດ, ແມ່ສູງ 170 ຊັງຕີແມັດ ແລະນ້ອງຊາຍສູງ 190,5 ຊັງຕີແມັດ ໂດຍມາຊີເລີ່ມຮູ້ສຶກເຖີງຄວາມພິເສດຂອງຂາໂຕເອງວ່າມັນຍາວກວ່າຄົນອື່ນ ເມື່ອປີ 2018 ມີຄົນມາຖາມຕັດໂສ້ງຂະໜາດພິເສດໃຫ້ ເພາະບໍ່ມີໄຊ້ທີ່ລາວໃສ່ໄດ້ເລີຍ
![](https://kkklao.com/wp-content/uploads/2020/10/WhatsApp-Image-2020-10-07-at-20.05.24-1.jpeg)
ພ້ອມກັນນັ້ນຍັງບອກວ່າການໃຊ້ຊີວິດປະຈຳວັນກໍ່ບໍ່ແມ່ນເລື່ອງງ່າຍ ມັນມີຂໍ້ເສຍຂອງການມີຂາຍາວ ເພາະຫົວຂອງເຈົ້າຈະຕຳກັບຂອບປະຕູໄດ້ຕະຫຼອດເວລາ ເຂົ້າອອກລົດກໍ່ລຳບາກ ແລະ ການຊອກຫາເສື້ອຜ້າໃສ່ກໍ່ຍາກເຊັ່ນກັນ ນອກຈາກນັ້ນຍັງຮຽກຮ້ອງໃຫ້ທຸກຄົນບໍ່ຄວາມປົກປິດຮູບລັກສະນະທີ່ແຕກຕ່າງເປັນເອກະລັກຂອງໂຕເອງ ຢ່າປົກປິດຈົ່ງຍອມຮັບມັນ
![](https://kkklao.com/wp-content/uploads/2020/10/WhatsApp-Image-2020-10-07-at-20.05.25.jpeg)
Discussion about this post