ສຸດແສນລັນທົດ ສາມີຖິ້ມ ແມ່ລູກດົກຊີວິດລັນທົດ ຕ້ອງດູແລລູກ 38 ຊີວິດພຽງລຳພັງ

ການທີ່ຜູ້ຍິງຄົນໜຶ່ງຈະມີລູກແຝດນັ້ນບໍ່ແມ່ນເລື່ອງງ່າຍ ບໍ່ວ່າຈະດ້ວຍຄວາມບັງເອີນຕາມທຳມະຊາດ ຫຼືການເຮັດເດັກຫຼອດແກ້ວກໍ່ຕາມ ແລະການທີ່ຜູ້ຍິງຄົນໜຶ່ງຈະມີລູກແຝດຊ້ຳກໍ່ຄົງບໍ່ໄດ້ເກີດຂຶ້ນຕະຫຼອດ ແຕ່ສຳຫຼັບໄວ 39 ປີ ທີ່ຊື່ ມາລຽມ ນາບາທັນຊີ ນັ້ນ ການມີລູກແຝດມັນເບິ່ງເໝືອນເປັນເລື່ອງປົກກະຕິທີ່ເກີດຂຶ້ນກັບລາວ ເພາະແມ່ລູກດົກຄົນນີ້ໃຫ້ກຳເນີດລູກແຝດຕິດຕໍ່ກັນຫຼາຍຄັ້ງ ບໍ່ແມ່ນແຕ່ຄັ້ງສອງຄັ້ງ ແຕ່ລາວມີລູກລວມກັນທັງໝົດເຖິງ 44 ຄົນ

ມາລຽມອາໄສຢູ່ໃນໝູ່ບ້ານນ້ອຍໆ ທີ່ອ້ອມຮອບດ້ວຍໄຮ່ກາແຟ ທາງຕອນເໜືອຂອງກຸງກຳປາລາ ເມືອງຫຼວງຂອງຍູກັນດາ ລາວເກີດຢູ່ໃນຄອບຄົວທີ່ຍາກຈົນຫຼາຍ ແມ່ຖິ້ມຄອບຄົວໄປຕັ້ງແຕ່ທີ່ລາວຍັງເປັນເດັກທາລົກເມື່ອມາລຽມໃຫຍ່ຂຶ້ນ ລາວຕ້ອງແຕ່ງງານແຕ່ຕອນອາຍຸ 12 ປີ ແລະ ຕັ້ງຄັນບໍ່ດົນ ຫຼັງຈາກນັ້ນ ເມື່ອເວລາຜ່ານໄປ 9 ເດືອນ ມາລຽມກໍ່ເກີດລູກອອກມາເປັນຝາແຝດ

ຫຼັງຈາກເກີດລູກຄັ້ງແລກ ມາລຽມກໍ່ເດີນທາງໄປພົບແພດເພື່ອກວດຮ່າງກາຍ ແລະ ໃນຕອນນັ້ນເອງ ແພດບອກລາວວ່າໝົດລູກຂອງລາວມີຂະໜາດໃຫຍ່ຫຼາຍ ພ້ອມກັບເຕືອນວ່າການກິນຢາຄຸມເນີດສາມາດສົ່ງຜົນກະທົບຢ່າງຫຼວງຫຼາຍຕໍ່ຮ່າງກາຍຂອງລາວຕາມປົກກະຕິແລ້ວ ຄົນອາຟິກາມັກຈະມີລູກຫຼາຍ ສະເລ່ຍແລ້ວປະມານ 5 ຄົນຕໍ່ຄອບຄົວ ແຕ່ກໍລະນີຂອງມາລຽມນັບວ່າແຕກຕ່າງໄປຈາກປົກກະຕິຫຼາຍເທົ່າຕົວ

ເພາະຫຼັງຈາກທີ່ເກີດລູກແຝດຄັ້ງແລກມາລຽມກໍ່ຕັ້ງຄັນອີກ ແລະລູກກໍ່ເພີ່ມຫຼາຍຂຶ້ນເລື້ອຍໆ ອີກທັງຍັງເປັນລູກແຝດທັງໝົດມາລຽມຕັ້ງຄັນມາແລ້ວ 15 ຄັ້ງ ເປັນແຝດສອງ 6 ຄັ້ງ ແຝດສາມ 4 ຄັ້ງ ແລະຄັ້ງແຝດສີ່ອີກ 5 ຄັ້ງ ລວມຈຳນວນລູກທັງໝົດ 44 ຄົນ ແຕ່ເຫຼືອມີຊີວິດລອດມາເຖິງປັດຈຸບັນ 38 ຄົນ

ການມີລູກຈຳນວນຫຼາຍເຖິງ 38 ຄົນ ໄດ້ສົ່ງຜົນກະທົບຕໍ່ຊີວິດຂອງມາລຽມເປັນຢ່າງຍິ່ງ ແລະທີ່ແຍ້ໄປກ່ວານັ້ນກໍ່ຄື ສາມີຂອງລາວແທບບໍ່ເຄີຍຫຼຽວແລຄອບຄົວ ຈົນກະທັ່ງລ່າສຸດ ເຂົາກໍ່ໄດ້ຖິ້ມມາລຽມໄປ ແລະ ບໍ່ກັບມາອີກ ປ່ອຍໃຫ້ລາວລ້ຽງເບິ່ງລູກທັງໝົດຕາມລຳພັງ ໂດຍທັງ 39 ຊີວິດອາໄສຢູ່ນຳກັນເທິງທີ່ດິນຂອງຄອບຄົວກະຈາຍກັນນອນໃນເຮືອນປູນນ້ອຍໆ 4 ຫຼັງ

ດ້ວຍຄວາມທີ່ສະຖານະຄອບຄົວລຳບາກຫຼາຍ ມາລຽມຈຶ່ງຕ້ອງເຮັດທຸກຢ່າງເທົ່າທີ່ສອງມືຂອງລາວເຮັດໄດ້ ເພື່ອຫາເງິນລ້ຽງດູປາກທ້ອງຂອງຄອບຄົວ ເງິນທີ່ໄດ້ມາທັງໝົດກໍ່ຕ້ອງແບ່ງສັນປັນສ່ວນໃຊ້ ທັງເປັນຄ່າອາຫານ ຄ່າຮັກສາພະຍາບານ ຄ່າເສື້ອຜ້າ ລວມທັງຄ່າເທີມຂອງເດັກເຊິ່ງກໍ່ບໍ່ພໍເຫຼືອໃຊ້

ຢ່າງໃດກໍ່ຕາມ ໂຊກດີຂອງມາລຽມທີ່ລູກໆຫຼາຍຄົນຂອງລາວເປັນເດັກດີ ທັງຊ່ວຍເຮັດວຽກເຮືອນ ຊ່ວຍຫາເງິນ ແລະຄົນທີ່ໃຫຍ່ແລ້ວກໍ່ຊ່ວຍດູແລນ້ອງໆ ເຖິງແມ່ນວ່າ ອີວານ ອິບູກາ ລູກຊາຍກົກ ໄວ 23 ປີ ຈະຕ້ອງລາອອກຈາກໂຮງຮຽນກາງຄັນເພາະຄອບຄົວບໍ່ມີເງິນສົ່ງ ແຕ່ນ້ອງໆຂອງເຂົາກໍ່ຕັ້ງໃຈຮຽນບາງຄົນຕັ້ງຮຽນຫຼາຍ ຈົບການສຶກສາດ້ວຍຜົນການຮຽນທີ່ດີແລະໄດ້ຫຼຽນທອງເປັນກຽດ ມາລຽມກໍ່ແຂວນພາບແຫ່ງຄວາມພາກພູມໃຈນັ້ນໄວ້ກາງຝາຜະໜັງເຮືອນນ້ອຍໆຂອງລາວ