ສປປ ລາວ ແມ່ນມີໂອກາດສູງທີ່ຈະແຜລະບາດເປັນວົງກວ້າງ

ສູນຂ່າວສານການແພດສຸຂະສຶກສາ, ກະຊວງສາທາລະນະສຸກ ລາຍງານໃນວັນທີ 15 ມີນາ 2022 ນີ້້ວ່າ: ສໍາລັບ ການລະບາດ ໂອມີຄຣອນ ຢູ່ ສປປ ລາວ ແມ່ນມີໂອກາດສູງທີ່ຈະແຜລະບາດເປັນວົງກວ້າງ,ສໍາລັບ ນະຄອນຫຼວງວຽງຈັນ ແມ່ນ ພົບຜູ້ຕິດເຊື້ອເພີ່ມຂື້ນ ຢູ່ໃນລະດັບ 100-200 ກວ່າຄົນ ມາໄດ້ 1 ອາທິດແລ້ວ ເຊິງແຕກຕ່າງຈາກ ຫຼາຍອາທິດກ່ອນ ແມ່ນຕົວເລກລາຍງານ ແມ່ນບໍ່ຮອດ 100 ຄົນຕໍ່ມື້.

ມື້ວານນີ້ ຕົວເລກຜູ້ຕິດເຊື້ອທົ່ວປະເທດເເມ່ນ 700 ກວ່າຄົນ ເຊິງເປັນຕົວເລກທີ່ສູງຫຼາຍ ເປັນມື້ທໍາອິດ ນັບແຕ່ ທ້າຍເດືອນມັງກອນຜ່ານມາພວກເຮົາສາມາດຄວບຄຸມໂຕເລກຜູ້ຕິດເຊື້ອຢູ່ໃນລະດັບຕໍ່າກວ່າ 500 ຄົນຕໍ່ມື້.

ເພື່ອເປັນການປ້ອງກັນ ແລະ ສະກັດກັ້ນ ການລະບາດບໍ່ໃຫ້ມີການຕິດເຊື້ອເພີ້ມຂື້ນສູງໃນປະເທດຂອງພວກເຮົາ, ຂໍຮຽກຮ້ອງມາຍັງປະຊົນລາວບັນດາເຜົ່າ ທົ່ວປະເທດ ຮ່ວມໃຈກັນມາສັກວັກຊິນປ້ອງກັນໂຄວິ-19 ໃຫ້ບັນລຸເປົ້າໝາຍທີ່ໄດ້ກໍານົດໄວ້ ແລະ ຮ່ວມແຮງຮ່ວມໃຈກ້າວຜ່ານການລະບາດຄັ້ງນີ້ໄປພ້ອມກັັນ