ສາຍມ່ວນເສົ້າເລີຍ ຈະບໍ່ໄດ້ເຫັນສະຖານີ 3434 ຢູ່ເດີນໄອເຕັກອີກແລ້ວ

ສຳລັບຊື່ຂອງ 3434 Station ເປັນທີ່ຮູ້ກັນດີ ໂດຍສະເພາະໃນກຸ່ມຄົນໄວລຸ້ນ ເປັນຈຸດນັດພົບ ມ່ວນເຮຮາ ທີ່ໃຫ້ຄວາມເປັນເທີງໃນຍາມເມື່ອຍກັບມາຈາກວຽກຈາກງານ ແຕ່ຕໍ່ມາກໍ່ເກີດເຫດໄຟໄໝ້ ແລະຫຼ້າສຸດມີຂ່າວມາວ່າຈະປິດສະຖານທີ່ແຫ່ງນີ້ແລ້ວ.

ແຕ່ກໍ່ຖືວ່າເປັນຂ່າວທີ່ສ້າງຄວາມຕົກໃຈໃຫ້ກັນສາຍດື່ມທັັງຫຼາຍ ເມື່ອບໍ່ດົນມານີ້ທາງເພຈຂອງ 3434 Station ໄດ້ອອກມາໂພສຮູບພາບ ແລະ ຂໍ້ຄວາມວ່າ: ລໍຄອຍກັບການກັບມາແຕ່ກະຕ້ອງໂຍກຍ້າຍ”ຂໍໃຫ້ສະຖານີນີ້ເປັນຄວາມຊົງຈຳທີ່ດີແກ່ແມ່ຄ້າແລະລູກຄ້າ”ທາງເຮົາມີຄວາມຈຳເປັນຕ້ອງໄດ້ໂຍກຍ້າຍອອກຈາກພື້ນທີ່ສຳປະທານ”ຍ້ອນຫລາຍເຫດແລະຫລາຍຜົນ”

ແຕ່3434ຈະກັບມາ ແລະ ຈະກັບມາໃຫ້ສີ່ງດີໆແກ່ທາງພາກສ່ວນແມ່ຄ້າຊາວຂາຍແລະທັງລູກຄ້າຫລັງຈາກເຫດການສະພາບ ໂຄວິດ19 ຜ່ານພົ້ນໄປ 3434ຈະກັບມາໃຫ້ຄວາມມ່ວນຊື່ນແກ່ທຸກຄົນ

ອະອະ!!! ສະແດງວ່າ ເຮົາຍັງມີລຸ້ນກັນ 3434 ບໍ່ໄດ້ໄປເລີຍຍັງຈະມາກັບມາສ້າງຄວາມຕື່ນຕາຕື່ນໃຈໃຫ້ທຸກຄົນຢູ່ ລໍລຸ້ນກັນວ່າເພິ່ນຈະມາໃນຮູບແບບໃດ ແລະເມື່ອໃດ.