ເຮັດບຸນຄັ້ງຍິ່ງໃຫຍ່ ອະດີດນາຍທຶນເງິນກູ້ ຄືນໃບຕາດິນໃຫ້ລູກໜີ້ 15 ຄົນ
![](https://kkklao.com/wp-content/uploads/2022/01/Screenshot_2022-01-16-08-37-47-03_a23b203fd3aafc6dcb84e438dda678b6-1024x566.jpg)
ຂໍຊື່ນຊົມເຈົ້າໜີ້ໃຈບຸນ ເອີ້ນໄດ້ວ່າເປັນອີກໜຶ່ງເລື່ອງຂອງປະເທດໄທ ທີ່ສ້າງຄວາມປະທັບໃຈເປັນຈຳນວນຫຼວງຫຼາຍ ເມື່ອວັນທີ 11 ມັງກອນ ທີ່ຜ່ານມາໄດ້ມີຜູ້ສື່ຂ່າວລາຍງານວ່າ ທ້າວ ນະພົນ ໃບເງິນ ທະນາຍຄວາມຂອງ ນາງ ສຸພິດຊາ ອະພິຊັດໂພຄິນ ຫຼື ເຈ໊ສຸ ອະດີດນາຍທຶນເງິນກູ້ນອກລະບົບ ໄດ້ສົ່ງມອບຄືນໃບຕາດິນໃຫ້ແກ່ລູກໜີ້ 15 ຄົນ
![](https://kkklao.com/wp-content/uploads/2022/01/Screenshot_2022-01-16-08-37-37-52_a23b203fd3aafc6dcb84e438dda678b6-1024x668.jpg)
ມີບາງຄົນກໍ່ຄ້າງຊຳລະໜີ້ນານເຖິງ 10 ປີ ບາງຄົນຈ່າຍແຕ່ເງິນຕົ້ນ ບາງຄົນບໍ່ເຄີຍໃຊ້ໜີ້ແມ່ນແຕ່ບາດດຽວ ບາງຄົນເຈັບປ່ວຍຈຶ່ງບໍ່ສາມາດຫາເງິນມາໃຊ້ໜີ້ຄືນໄດ້ພໍ່ຕູ້ ປັນ ສີວໍລະສານ ອາຍຸ 87 ປີ ລູກໜີ້ຂອງ ເຈ໊ສຸ ເປີດເຜີຍວ່າ
![](https://kkklao.com/wp-content/uploads/2022/01/Screenshot_2022-01-16-08-37-30-34_a23b203fd3aafc6dcb84e438dda678b6-1024x561.jpg)
ຕົນກູ້ເງິນເຈ໊ສຸມາເມື່ອປີ 2012 ຈຳນວນ 250,000ບາດ ແຕ່ບໍ່ເຄີຍໃຊ້ໜີ້ເລີຍແມ່ນແຕ່ບາດດຽວ ເພາະຫາເງິນມາໃຊ້ບໍ່ໄດ້ ຕໍ່ມາມີທະນາຍຄວາມມາສືບຖາມ ເຫັນສະພາບຄວາມເປັນຢູ່ແລ້ວຄາດວ່າຕົນຄືຈະບໍ່ມີທາງຫາເງິນມາຈ່າຍໄດ້ ເຈ໊ສຸຈຶ່ງຕັດສິນໃຈຍົກໜີ້ໃຫ້ທັງໝົດ
![](https://kkklao.com/wp-content/uploads/2022/01/Screenshot_2022-01-16-08-37-23-58_a23b203fd3aafc6dcb84e438dda678b6-1024x563.jpg)
ສ່ວນທ້າວ ມະນັດ ເສີມສັກສີ ລູກໜີ້ອີກຄົນເລົ່າວ່າຕົນກູ້ເງິນໄປຈຳນວນ 2 ແສນບາດ ສົ່ງໄປໄດ້ພຽງ 1 ແສນບາດ ຈຳເປັນຕ້ອງຫຍຸດຊຳລະເພາະແມ່ລົ້ມປ່ວຍຕົນຈຶ່ງເຂົ້າໄປໂອ້ລົມກັບ ເຈ໊ສຸ ເຈລະຈາປະນອມໜີ້ ແຕ່ເມື່ອ ເຈ໊ສຸ ຮັບຮູ້ເຖິງພາລະທີ່ຕົນແບກຮັບໄວ້ຈຶ່ງຍົກໜີ້ສ່ວນທີ່ເຫຼືອໃຫ້ທັງໝົດ ຕົນບໍ່ຄິດວ່າ ເຈ໊ສຸ ຈະມີເມດຕາຫຼວງຫຼາຍຂະໜາດນີ້
![](https://kkklao.com/wp-content/uploads/2022/01/Screenshot_2022-01-16-08-37-14-77_a23b203fd3aafc6dcb84e438dda678b6-629x1024.jpg)
Discussion about this post