ໃນພິທີ ທ່ານ ລັດຖະມົນຕີກະຊວງສາທາລະນະສຸກໄດ້ກ່າວສະແດງຄວາມຍິນດີ ແລະ ຂອບໃຈ ຕໍ່ລັດຖະບານໂປແລນ ຕໍ່ກັບການປະກອບສ່ວນຢ່າງຕໍ່ເນື່ອງ ເຊິ່ງຈະເປັນການປະກອບສ່ວນຢ່າງໃຫຍ່ຫຼວງໃຫ້ລາວໃນເປົ້າໝາຍຂອງປະເທດທີ່ຈະສັກວັກຊິນໃຫ້ກວມໄດ້ຢ່າງໜ້ອຍ 70% ຂອງຈຳນວນປະຊາກອນທັງໝົດ.
ໃນວັນທີ 7 ມັງກອນ 2022 ທີ່ກະຊວງສາທາລະນະສຸກໄດ້ມີພິທີມອບ-ຮັບ ຮັບວັກຊິນ Astra Zeneca ເພີ່ມຈາກປະເທດໂປແລນ ຈຳນວນ 501,600 ໂດສ ໂດຍກ່າວຮັບຂອງທ່ານ ປອ.ດຣ. ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ແລະ ກ່າວມອບຂອງທ່ານ ນາງ. ໄບບ້າ ຊາລີນາ ອຸປະທູດແຫ່ງສະຫະພາບເອີຮົບ ປະຈຳ ສປປ ລາວ. ມີຕາງໜ້າຈາກກະຊວງການຕ່າງປະເທດ, ກະຊວງສາທາລະນະສຸກ ແລະ ພະນັກງານຂອງສະຫະພາບເອີຮົບເຂົ້າຮ່ວມ.
ໃນນີ້ ອຸປະທູດແຫ່ງສະຫະພາບເອີລົບ ປະຈຳ ສປປ ລາວ ໄດ້ກ່າວວ່າ ວັກຊິນເຫຼົ່ານີ້ແມ່ນຈະໄດ້ນຳໃຊ້ເປັນຕົ້ນເພື່ອໃຫ້ການປ້ອງກັນແກ່ຜູ້ທີ່ມີຄວາມສ່ຽງສູງຕໍ່ການຕິດເຊື້ອພະຍາດໂຄວິດ-19 ຂັ້ນຮ້າຍແຮງແຕ່ຍັງບໍ່ທັນໄດ້ຮັບວັກຊິນຄົບເຂັມເທື່ອ. ກຸ່ມບູລິມະສິດສຳລັບການສັກວັກຊິນກັນພະຍາດໂຄວິດ-19 ແມ່ນປະກອບມີ: ພະນັກງານສາທາລະນະສຸກແຖວໜ້າ, ຜູ້ສູງອາຍຸ 60 ປີ ຂື້ນໄປ, ຄົນທີ່ມີພະຍາດປະຈຳຕົວ, ແມ່ຍິງຖືພາ ແລະ ບຸກຄະລາກອນທີ່ສຳຄັນ.
Cr: ສູນຂ່າວສານການແພດສຸຂະສຶກສາ
Discussion about this post