ຂ່າວດ່ວນ ເກີດເຫດແຜ່ນດິນໄຫວ 5.8 ຣິກເຕີ ຢູ່ໄຊຍະບູລີ

ລາຍງານສະພາບການເກີດແຜ່ນດິນໄຫວ ໃນຄັ້ງວັນທີ 20 ທັນວາ 2021, ເວລາ 04:06 ຫາ 04:12 ໂມງ.​ ຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວໃນຂອບເຂດທົ່ວປະເທດ​ ເຊີ່ງໄດ້ພົບສັນຍານການເກີດແຜ່ນດິນໄຫວພາຍໃນປະເທດລາວ ຈຳນວນ 02 ຄັ້ງ, ໃນບໍລິເວນ ເຂດແຂວງ ໄຊຍະບູລີ ລາຍລະອຽດຂອງການເກີດແຜ່ນດິນໄຫວມີຄືດັ່ງລຸ່ມນີ້:

ໃນເວລາ 04:06:13 ຂອງໂມງທ້ອງຖິ່ນ ໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະໜານທີ່ 19.445°N ແລະ ເສັ້ນແວງທີ່ 101.366°E ຄວາມແຮງສັ່ນສະເທືອນວັດແທກໄດ້ 5.8 ຣິກເຕີ, ມີຄວາມເລີກຈາກໜ້າດິນ 10 Km ເຊີງຈຸດເກີດແຜ່ນດິນໄຫວຢູ່ທີ່ບໍລິເວນ ບ້ານຫ້ວຍສະຫຼອດ, ເມືອງໄຊສະຖານ, ແຂວງໄຊຍະບູລີ. ເຊີ່ງຈຸດເກີດແຜ່ນດິນໄຫວແມ່ນໄກຈາກຕົວເມືອງໄຊສະຖານ ປະມານ 4 KM.​

ໃນເວລາ 04:02:41 ຂອງໂມງທ້ອງຖິ່ນ ໄດ້ພົບສັນຍານແຜ່ນດິນໄຫວຈຸດສູນກາງ ເສັ້ນຂະໜານທີ່ 19.461°N ແລະ ເສັ້ນແວງທີ່ 101.282°E ຄວາມແຮງສັ່ນສະເທືອນວັດແທກໄດ້ 3.5 ຣິກເຕີ, ມີຄວາມເລີກຈາກໜ້າດິນ 10 Km ເຊີງຈຸດເກີດແຜ່ນດິນໄຫວຢູ່ທີ່ບໍລິເວນ ບ້ານສະລາ, ເມືອງໄຊສະຖານ, ແຂວງໄຊຍະບູລີ. ເຊີ່ງຈຸດເກີດແຜ່ນດິນໄຫວແມ່ນໄກຈາກຕົວເມືອງ ໄຊສະຖານ ປະມານ 9 KM.