ຢ່າຫາເຮັດ ເຈົ້າໜ້າທີ່​ຕາມທັນແລ້ວ ຊາຍຜູ້ຍ່ຽວກາງທາງສາທາລະນະ

ເຫດຊາຍຄົນໜຶ່ງຈົກອະໄວຍະເພດ ອອກມາຍ່ຽວຢູ່ກາງທາງສາລະນະ ຕອນແລງວັນທີ 13 ທັນວາ 2021 ຢູ່ສີ່ແຍກໄຟແດງ ດັ່ງທີ່ພວກເຮົາໄດ້ເຫັນ, ຮັບຮູ້ໃນສື່ສັງຄົມອອນລາຍ ກອງບັນຊາການ ປກສ ເມືອງນາຊາຍທອງ ຈື່ງຕິດຕາມສືບຄົ້ນຫາ ຊາບຊື່ ທ້າວ ຍີ (ນາມສົມມຸດ)​ ອາຍຸ 29 ປີ ( ສັນຊາດ​ຕ່າງປະເທດ)​ ມາສອບສວນ.

ຜ່ານການສອບສວນ ເບື້ອງຕົ້ນຜູ້ກ່ຽວຮັບສາລະພາບວ່າ: ໃນຂະນະຂັບຂີ່ລົດຢູ່ນັ້ນ ຕົນເອງປວດເບົາຢ່າງແຮງ, ແຕ່ບໍ່ສາມາດອອກໄປຊອກຫາຫ້ອງນໍ້າເພື່ອຍ່ຽວໄດ້ ຍ້ອນສະພາບຖະໜົນ ມີລົດຫຼາຍອັ່ງອໍຈຳນວນຫຼວງຫຼາຍ ຈິ່ງລົງຈາກລົດມາຢືນຍ່ຽວໃສ່ຕີນລົດຂອງຕົນ ທີ່ຂັບຂີ່ມາ ດັ່ງທີ່ພາບວີດີໂອສື່ສັງຄົມອອນລາຍເຜີຍແຜ່ທາງເຟັສບຸກ ແລະ ມີຄົນແຊຣ ເປັນຈຳນວນຫຼາຍ.

ຕໍ່ກັບການກະທໍາຂອງ ທ້າວ ຍີ ເຫັນວ່າ ເປັນສ້າງພາບພົດ ຄວາມອັບອາຍ ເປີເປື້ອນ ຕໍ່ສັງຄົມ ແລະ ຜິດຕໍ່ປະມວນກົດໝາຍອາຍາ ມາດຕາ 258 ກຳນົດໄວ້.

ຂ່າວ: ປ້ອງກັນຄວາມສະຫງົບ​ ນວ