ພະນັກງານຫ້ອງການເກັບກູ້ ລ ະ ເ ບີ ດ ເມືອງປາກຊ່ອງ ແຂວງຈຳປາສັກ ຖືກລ ະ ເ ບີ ດ ແຕກໃສ່ໃນເວລາເກັບກູ້ ເສຍຊີວິດ 3 ຄົນ ແລະ ບາດເຈັບ 2 ຄົນ, ໃນວັນທີ 3 ທັນວາ 2021 ຢູ່ທີ່ເມືອງປາກຊ່ອງ ແຂວງຈຳປາສັກ.
ເຈົ້າຫນ້າທີ່ ປກສ ເມືອງປາກຊ່ອງ ແຂວງຈຳປາສັກ ໃຫ້ຮູ້ວ່າ: ໃນເວລາ 9:30 ໂມງ ມື້ເກີດເຫດ ພະນັກງານຫ້ອງການເກັບກູ້ລະເບີດ ໄດ້ລົງສະຫນາມເພື່ອເກັບກູ້ ລ ະ ເ ບີ ດບໍ່ທັນແຕກ ຝັງຢູ່ພື້ນດິນຊະນິດ ( ໂບມບີ່ບຣູ 3 ) ໃນຂອບເຂດສວນກາເຟ ຂອງທ້າວ ຄຳເຜີຍ ບ້ານຫລັກ 38 ເມືອງປາກຊ່ອງ.
ຈາກນັ້ນ ຈຶ່ງໄດ້ລົງມືເກັບກູ້ຕາມຫລັກການວິຊາສະເພາະ ລ ະເ ບີ ດ ໄດ້ແຕກໃສ່ ເຮັດໃຫ້ທ້າວ ວົງໄຊ ອາຍຸ 50 ປີ, ທ້າວ ຄອນວິໄລ ອາຍ 35 ປີ, ທັງສອງພະນັກງານເກັບກູ້ ລ ະ ເ ບີ ດ ບ້ານວັດຫລວງ ເມືອງປາກຊ່ອງ ແລະ ທ້າວ ສິນນະກອນ ອາຍຸ 42 ປີ, ພະນັກງານເກັບກູ້ ລ ະເ ບີ ດ ບ້ານ ແລະ ເມືອງປາກຊ່ອງ ເສຍຊີວີດ ຄາທີ່.
ນອກນັ້ນ ມີຜູ້ໄດ້ຮັບບາດເຈັບອີກ 2 ຄົນ.
Discussion about this post