ໃນວັນທີ 1 ທັນວາ 2021 ນີ້ ທ່ານ ດຣ ສີສະຫວາດ ສຸທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກ່າວວ່າ: ມື້ວານນີ້ ຄະນະສະເພາະກິດໄດ້ແຈ້ງວ່າ ມີຜູ້ມາກວດຊອກຫາເຊື້ອໂຄວິດບາງກຸ່ມ ໃນນະຄອນຫຼວງວຽງຈັນ ປິດບັງອາຊີບຕົນເອງ, ຊຶ່ງມື້ວານນີ້ມີທັງໝົດ ເຖິງ 180 ຄົນ, ສ່ວນມື້ນີ້ ມີອີກ 81 ຄົນ.
![](https://kkklao.com/wp-content/uploads/2021/12/1-6.jpg)
ຂໍຢໍ້າໃຫ້ທ່ານຊາບວ່າ ພຽງສອງວັນ ມີຜູ້ມາກວດ ແຕ່ປິດບັງອາຊີບ ມີເຖິງ 261 ຄົນ. ເຖິງວ່າທ່ານຈະມີເຫດຜົນສ່ວນໂຕກໍ່ຕາມ ແຕ່ທ່ານເຈດຕະນາປິດບັງອາຊີບຂອງຕົນ ຖ້າຫາກທ່ານຕິດເຊື້ອ ຈະກາຍເປັນໄພງຽບ ຕໍ່ຄົນອ້ອມຂ້າງຂອງທ່ານ ທີ່ບໍ່ສາມາດຮັບຮູ້ ແລະ ລະວັງຕົວເອງໄດ້.
![](http://kkklao.com/wp-content/uploads/2021/11/5.1-1.jpg)
ສະນັ້ນ ຂໍຮຽກຮ້ອງໃຫ້ຜູ້ມາກວດທຸກທ່ານຈົ່ງຈິງໃຈ, ຄວນລະບຸອາຊີບຂອງຕົນໃຫ້ຈະແຈ້ງ ເພື່ອຊ່ວຍກັນສະກັດກັ້ນການແຜ່ເຊື້ອໃນນະຄອນຫຼວງວຽງຈັນ.
Discussion about this post