​ ລົດຈັກເສຍຫຼັກຕໍາຂອບທາງເສຍຊິວິດຄາທີ່

ເວລາປະມານ 23:40 ໂມງຂອງ ວັນທີ 27 ພະຈິກ ຜ່ານມາ,ໄດ້ເກີດອຸບັດຕິເຫດ ລົດຈັກຕຳຂອບທາງ ຢູ່ຖະໜົນທ່າເດືອ ເຂດບ້ານສາລະຄໍາ ເຮັດໃຫ້ຄົນຂັບ ເ ສ ຍ ຊີ ວິ ດ ຄ າ ທີ່; ຊາບຊື່ພາຍຫຼັງ, ຊື່ ທ້າວ ທັດສະພອນ ອາຍຸ 26 ປີ ພັກເຊົາຢູ່ບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ.

ພະແນກຕໍາຫຼວດຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ: ຜ່ານການລົງກວດກາຊັນນະສູດ, ວັດແທກ ແລະ ເກັບກໍາຂໍ້ມູນຫຼັກຖານ ໃນຈຸດເກີດອຸບັດຕິເຫດ ຮູ້ໄດ້ວ່າ ຜູ້ກ່ຽວໄດ້ຂັບຂີ່ລົດຈັກຮອນດ້າເວບ 100 ໝາຍເລກທະບຽນ ຈຜ 5332 ຈໍາປາສັກ ດ້ວຍຄວາມໄວ ຈົນບໍ່ສາມາດຄວບຄຸມລົດຈັກໄດ້ ພາໃຫ້ລົດເສຍຫຼັກຕຳຂອບທາງ ເຮັດໃຫ້ ເ ສ ຍ ຊີ ວິ ດ ຄ າ ທີ່.

ສະແດງຄວາມເສຍໃຈ ມາຍັງຄອບຄົວຜູ້ ເ ສ ຍ ຊີ ວິ ດ.