ລາວ ກວດຫາເຊື້ອທັງໝົດ ເກືອບ 1 ລ້ານກ່ວາຄົນ

ດຣ​ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກ່າວໃນວັນທີ 23​ ພະຈິກ​ 2021​ ວ່າ: ນັບແຕ່ປະເທດເຮົາໄດ້ພົບຜູ້ຕິດເຊື້ອໂຄວິດ 1 ກໍລະນີທໍາອິດ ໃນຕົ້ນປີ 2020 ພັກ ແລະ ລັດຖະບານ ໄດ້ອອກບັນດາມາດຕະການຕ່າງໆເພື່ອປ້ອງກັນ, ຄວບຄຸມ ແລະ ສະກັດກັ້ນການລະບາດໃຫ້ຢຸດຕິລົງໂດຍໄວເຊັ່ນ:

– ການຈັດຫາວັກຊິນເພື່ອປ້ອງກັນພະຍາດໂຄວິດ-19 ເຊິ່ງປະຈຸບັນນີ້ປະເທດພວກເຮົາໄດ້ສັກວັກແມ່ນສັກເຂັມທີ 1 ໄດ້ 3.692.533 ຄົນ​ (ອັດຕາປົກຄຸມ 50,32%) ແລະ ຄົບ ເຂັມ 3.077.625 ຄົນ​ (ອັດຕາປົກຄຸມ 41.94%).

– ນອກນັ້ນດ້ມີມາດຕະການຊອກຄົ້ນຫາຜູ້ຕິດເຊື້ອແຕ່ຫົວທີ ແມ່ນໜື່ງໃນມາດຕະການ ເພື່ອການສະກັດກັ້ນການກະຈາຍເຊື້ອແຕ່ຫົວທີ ເຊີ່ງລັດຖະບານກໍ່ຄືຄະນະສະເພາະກິດໄດ້ອະນຸມັດງົບປະມານ ໃນການຈັດຊື້ຈັດຫານ້ຳຢາກວດ PCR ລວມທັງຂະຫຍາຍຕາໜ່າງການກວດ ໃນຫຼາຍແຂວງທົ່ວປະເທດ ເຊິ່ງຄ່າກວດຄັ້ງໜື່ງ​ ແມ່ນປະມານຕົກຢູ່ 700,000 ກີບ ແລະ ຖ້າຄຳນວນເບິ່ງ ມາຮອດປະຈຸບັນພວກເຮົາໄດ້ກວດຫາເຊື້ອທັງໝົດ ເກືອບ 1 ລ້ານກ່ວາຕົວຢ່າງ.​

– ໄດ້ກະກຽມສະຖານທີ່ຈຳກັດບໍລິເວນ, ໂຮງໝໍພາກສະໜາມເພື່ອປີ່ນປົວຄົນເຈັບ ແລະ ຈັດຫາອຸປະກອນການແພດທີ່ທັນສະໄໝ ແລະ ຢາປີ່ນປົວເຊີດຊູຄົນເຈັບ ສະໜອງໃຫ້ບັນດາໂຮງໝໍສູນກາງ ກໍ່ຄືໂຮງໝໍແຂວງທົ່ວປະເທດ.- ສ້າງສູນກັກກັນ, ໂຮງໝໍສະໜາມ ແລະ ການຍົກລະດັບຄວາມອາດສາມາດຂອງແພດໝໍ ລວມທັງລະບົບຂອງໂຮງໝໍສູນກາງ ໂຮງໝໍແຂວງ ເພື່ອສາມາດຮັບມືກັບກໍລະນີຕິດເຊື້ອທີ່ມີອາການຮ້າຍແຮງ ຫຼື ຂັ້ນວິກິດ ນັ້ນກໍ່່ເປັນພາລະອັນໜັກໜ່ວງ ເຊີ່ງພັກ ແລະ ລັດຖະບານແມ່ນໄດ້ຖືເປັນບູລິມະສິດ.