ໃນວັນທີ 20 ພະຈິກ 2021, ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນວ ໄດ້ລົງຕິດຕາມ ແລະ ຊຸກຍູ້ວຽກງານປ້ອງກັນ ແລະ ຕ້ານການແຜ່ລະບາດພະຍາດໂຄວິດ-19 ຢູ່ເມືອງສັງທອງ ແລະ ໄດ້ນໍາເອົາ ຜ້າປິດປາກ, ເຫຼົ້າຂ້າເຊື້ອ, ໝີ່ສຳເລັດຮູບ ແລະ ນໍ້າດື່ມ ເຊິ່ງໄດ້ຮັບອຸປະຖໍາຈາກ ບໍລິສັດ ພອນຄໍາ ການຄ້າພັດທະນາກໍ່ສ້າງ ຈຳກັດຜູ້ດຽວ ແລະ ທ່ານ ນັນທະສັກ ບຸນທະລາ ປະທານສະມາຄົມ ນັກທຸລະກິດໝຸ່ມ ເມືອງສີໂຄດຕະບອງ ມາມອບໃຫ້ຄະນະສະເພາະກິດ ເມືອງສັງທອງ ເພື່ອກຽມຄວາມພ້ອມສັກຢາວັກຊີນ ໃຫ້ນັກຮຽນອາຍຸ 12-17 ປີ ຕາງໜ້າຮັບໂດຍ ທ່ານ ພົງສະຫັວນ ສິລິພັນ ເຈົ້າເມືອງສັງທອງ ນວ.
ພັອ ສຸກພະຈັນ ບຸດດາຄໍາ ຫົວໜ້າກອງບັນຊາການ ປກສ ນວ ໄດ້ກ່າວວ່າ: ເຄື່ອງທີ່ນໍາມາມອບໃນຄັ້ງນີ້ ເປັນການຊຸກຍູ້ ແລະ ເປັນກຳລັງແຮງໃຈ ຈາກ ປກສ ນວ ກໍຄື ບໍລິສັດ ພອນຄໍາ ການຄ້າພັດທະນາກໍ່ສ້າງ ຈຳກັດຜູ້ດຽວ ແລະ ປະທານສະມາຄົມ ນັກທຸລະກິດໝຸ່ມ ເມືອງສີໂຄດຕະບອງ ເພື່ອເຮັດ ໃຫ້ຄະນະສະເພາະກິດ ປ້ອງກັນ ແລະ ຕ້ານການແຜ່ລະບາດພະຍາດໂຄວິດ-19 ເມືອງສັງທອງ ໄດ້ປະຕິບັດໜ້າທີ່ ດ້ວຍຄວາມສະດວກ ແລະ ວ່ອງໄວຫຼາຍຂຶ້ນ.
ທ່ານ ພົງສະຫັວນ ສິລິພັນ ເຈົ້າເມືອງສັງທອງ ໄດ້ຕາງໜ້າໃຫ້ຄະນະສະເພາະກິດ ປ້ອງກັນ ແລະ ຕ້ານການແຜ່ລະບາດພະຍາດໂຄວິດ-19 ເມືອງ ສະແດງຄວາມຮູ້ບຸນຄຸນ ແລະ ຂໍຂອບໃຈ ນຳ ພັອ ສຸກພະຈັນ ບຸດດາຄຳ ກໍຄືບໍລິສັດ ແລະ ປະທານສະມາຄົມນັກທຸລະກິດໝຸ່ມ ທີ່ເຫັນໄດ້ຄວາມສໍາຄັນ ໃນການປະຕິບັດໜ້າທີ່ວຽກງານຄັ້ງນີ້ ຂໍອວຍພອນໄຊໃຫ້ທ່ານ ແລະ ພາກສ່ວນທີ່ໃຫ້ການອຸປະຖໍາ ຈົ່ງມີສຸຂະພາບເຂັ້ມແຂງ ມີພາລະນາໄມສົມບູນ ມີຄວາມສໍາເລັດໃນໜ້າທີ່ວຽກງານ ທຸລະກິດຈະເລີນຮຸ່ງເຮື່ອງກ້າວໜ້າ.
Discussion about this post